Kizigenza Sadio Mane yahishuye ko Cristiano Ronaldo yamubwiye ko kuva muri Liverpool yerekeza muri Bayern Munich mu mpeshyi ari intambwe ikomeye.
Uyu mukinnyi ukomeye w’imyaka 30 ukomoka muri Senegal yavuye Anfield muri 2022 nyuma y’imyaka itandatu ayikinira aho yayifashije kwegukana Premier League, Champions League, FA Cup, Carabao Cup, Super Cup na Club World Cup.
Uyu yahise yerekeza mu ikipe ya mbere mu Budage,Bayern kuri miliyoni 35 z’amapawundi aho yemeje ko uyu wahoze akinira (…)

Kizigenza Sadio Mane yahishuye ko Cristiano Ronaldo yamubwiye ko kuva muri Liverpool yerekeza muri Bayern Munich mu mpeshyi ari intambwe ikomeye.

Uyu mukinnyi ukomeye w’imyaka 30 ukomoka muri Senegal yavuye Anfield muri 2022 nyuma y’imyaka itandatu ayikinira aho yayifashije kwegukana Premier League, Champions League, FA Cup, Carabao Cup, Super Cup na Club World Cup.

Uyu yahise yerekeza mu ikipe ya mbere mu Budage,Bayern kuri miliyoni 35 z’amapawundi aho yemeje ko uyu wahoze akinira Manchester United,Cristiano Ronaldo yamubwiye ko ari intambwe ikomeye.

Mane yahuye na Ronaldo w’imyaka 38, i Mallorca mbere y’uko uyu mwaka w’imikino utangira.

Aganira na BILDSport, Mane yagize ati: "Ibyo bivuze byinshi kuri Bundesliga kandi bisobanuye neza ibyo navuze;ndatekereza ko mutesha agaciro Bundesliga hano.

Imyitwarire iheruka muri Champions League irabigaragaza.

Nahuriye na Cristiano Ronaldo i Mallorca mbere y’uko uyu mwaka w’imikino utangira maze gusinya.Yaranshimiye arangije arambwira ati "Ni ikipe nziza.Ni intambwe nziza kuri wowe."

Mane yatangiye neza muri Bayern,kuko amaze gutsinda ibitego 11 mu mikino 24.

Uyu mukinnyi yagarutse mu kibuga nyuma y’imvune ubwo batsindaga ibitego 3-0 Union Berlin mu cyumweru gishize.