skol
Kigali

Sadio Mane yitiriwe Stade yo mu gace avukamo muri Senegal

Imyidagaduro   Yanditswe na: Dusingizimana Remy 13 February 2022

Sadio Mané yahawe ikibuga kimwitirirwa mu mu mujyi wa Sedhiou muri Sénégal nyuma yo gufasha igihugu cye kwegukana igikombe cya Afrika mu mupira w’amaguru.

Uyu rutahizamu wa Liverpool yinjije penalty yatanze igikombe kuri Sénégal [Lions de la Teranga], itsinda Misiri kuri penalty 4-2, maze yegukana ku nshuro ya mbere irushanwa ry’igikombe cy Afrika mu mupira w’amaguru,nyuma y’umukino wa nyuma warangiye ari 0-0.

Ibitego bitatu yinjije akanagatanga imipira ibiri yavuyemo ibitego mu ikipe ya Senegal muri AFCON 2021,byatumye ahembwa nk’umukinyi mwiza w’Irushanwa (Most Valuable Player, MVP).

Umukuru w’Umujyi wa Sedhiou, Adboulaye Diop, akaba yavuze ko ikibuga cy’umupira w’amaguru wo muri aka gace kigiye kwitirirwa uyu mwana wabo ukundwa cyane.

Amagambo ya Diop yasubiwemo n’ibinyamakuru byo muri icyo gihugu avuga ati: "Mu kwitirira Sadio Mané iki kibuga Stade de Sédhiou, nashakaga gushimira abahungu n’abakobwa bose bo muri iyi ntara,mbicishije ku mugabo wamenyekanishije kw’isi yose, Bambali n’umurwa mukuru wayo Sédhiou".

"Ni ukuri Sadio Mané akwiye guhabwa irishimwe".

Mané yakunzwe n’amamiliyoni y’abantu kubera ibikorwa bye byo gufasha mu karere avukamo nyuma yo kubaha amafaranga yo kubaka ibitaro n’ishuli, anatanga n’inkunga yo kwubaka imisigiti, yongera atanga amafaranga yo gufasha kurwanya Covid-19.

Mbere y’umukino wa nyuma w’irushanwa rihuza yabaye aya mbere i Burayi mu kwa gatanu 2018, Sadio Mané yahaye imipira ya Liverpool abafana bayo mu mujyi wa Bambali kugira ngo bazabe bayambaye umukino urimo kuba.

Urugendo rwa Mané muri ruhago rwabaye rurerure kugeza abaye umukinnyi ukomeye kw’isi yose, atangiriye muri Metz mu Bufaransa kugeza muri Liverpool, abanje guca muri RB Salzburg yo muri Autriche/Austria no muri Southampton.

Akimara kwegukana AFCON2021 muri Cameroon, Mané yavuze ko iki gikombe cya mbere cya Afrika mu mupira w’amaguru begukanye ari cyo kintu cya mbere gikomeye agezeho mu mwuga we wo gukina umupira.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Jado Castar yakiriwe byihariye kuri Radio n’abakunzi be bamuhaye akayabo...

Bagirishya Jean de Dieu uzwi nka Jado Castar mu mwuga w’itangazamakuru...
17 May 2022 0

Minisitiri Aurore yashimiye ikipe ya Gisagara VC yitwaye neza muri...

Minisitiri wa Siporo, Hon. Munyangaju Aurore Mimosa yashimiye ikipe...
17 May 2022 0

Umukinnyi wa Newcastle yakukiye iryinyo mu mukino bahuyemo na...

Rutahizamu wa Newcastle United, Callum Wilson yakuriwe iryinyo mu mukino...
17 May 2022 0

Xhaka yibasiye abakinnyi bagenzi be bitwaye nabi Arsenal igatakaza umwanya...

Umukinnyi wo hagati Granit Xhaka yibasiye bagenzi be ba Arsenal nyuma yo...
17 May 2022 0

GISAGARA VC yakoze amateka muri shampiyona ya Afurika y’amakipe

Ikipe ya Gisagara VC yegukanye umwanya wa 3 muri shampiyona ya Afurika...
16 May 2022 0

Umutoza mushya wa United yasubije abamubajije niba azakorana na Cristiano...

Umutoza mushya wa Manchester United,Erik ten Hag yatangaje ko yifuza cyane...
16 May 2022 0