skol
Kigali
Fortebet

Sadio Mané yongeye gutorwa nk’umukinnyi w’umwaka muri Afurika

Imyidagaduro   Yanditswe na: Dusingizimana Remy 22 July 2022

Umunya-Sénégal Sadio Mané yegukanye igihembo cy’umukinnyi w’Umunyafurika w’umupira w’amaguru warushije abandi muri uyu mwaka ku nshuro ya kabiri yikurikiranya, mu muhango w’ibihembo by’impuzamashyirahamwe y’umupira w’amaguru muri Afurika (CAF) byabereye mu murwa mukuru Rabat wa Maroc.

Mané uzakinira Bayern München,yatsinze penaliti yahesheje Sénégal igikombe cy’Afurika (CAN/AFCON) muri uyu mwaka ubwo igihugu cye cyatsindaga Misiri kuri penaliti ku mukino wa nyuma. Bwari ubwa mbere Sénégal yegukanye iki gikombe.

Ibi bihembo bya CAF byagarutse bwa mbere mu myaka itatu yari ishize, nyuma yuko byari byabaye bihagaritswe n’icyorezo cya coronavirus.

Umunya-Nigeria Asisat Oshoala na we yisubije iki gihembo mu rwego rw’abakinnyi b’abagore, yari yanegukanye mu 2019.

Asisat Lamina Oshoala, umunyanijeriyakazi w’imyaka 27 y’amavuko akinira FC Barcelona y’abagore.

Ni ku nshuro ya Gatanu yegukanye iki gihembo (2014,2016,2017,2019 & 2022)

Mané, w’imyaka 30, yagize ati: "Nishimiye cyane kwakira iki gihembo uyu mwaka".

Mané yahigitse Edouard Mendy, Umunya-Sénégal mugenzi we akaba n’umunyezamu wa Chelsea, hamwe n’Umunya-Misiri Mohamed Salah bahoze bakinana muri Liverpool, uyu ikipe ye ya Misiri ikaba yaratsinzwe ku mukino wa nyuma wa CAN wo mu kwezi kwa kabiri.

Mané, wanafashije igihugu cye kubona itike y’imikino y’igikombe cy’isi akanafasha Liverpool kwegukana ibikombe bibiri by’imbere mu gihugu uyu mwaka, yongeyeho ati: "Ndashimira Abanya-Sénégal, kandi ntuye iki gihembo urubyiruko rwo mu gihugu cyanjye".

Igihembo cya Mané ni kimwe mu bihembo bitanu Sénégal yegukanye, mu byiciro birindwi byose hamwe by’ibihembo mu rwego rw’abagabo, mu ijoro ryo ku wa kane iki gihugu cyo muri Afurika y’uburengerazuba kizahora cyibuka.

Aliou Cissé, umutoza w’ikipe y’igihugu ya Sénégal w’igihe kirekire, yegukanye igihembo cy’umutoza w’umwaka, ikipe ye iba ikipe y’uyu mwaka mu rwego rw’abagabo.

Pape Sarr yabaye umukinnyi ukiri muto w’uyu mwaka, naho Umunya- Sénégal mugenzi we Pape Ousmane Sakho yegukana igihembo cy’uwatsinze igitego cyiza cyane kurusha ibindi, yatsindiye ikipe ya Simba yo muri Tanzania yigaramye umupira.

Augustin Senghor, Perezida w’ishyirahamwe ry’umupira w’amaguru muri Sénégal, yagize ati: "Twategereje igihe kirekire iki gikombe cy’ibihugu [CAN].

"Turi urugero rwiza ku makipe yose ataratsindira [iri rushanwa]".



BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Haruna Niyonzima yabwiye amagambo yihariye umutoza w’Amavubi wongeye...

Umukinnyi Haruna Niyonzima yashimiye umutoza Carlos Alos wongeye...
18 August 2022 0

Mussa Camara yagarutse muri Rayon Sports yahesheje shampiyona

Rutahizamu ukomoka muri Mali,Mussa Camara yamaze gusinya amasezerano...
18 August 2022 0

Caleb wifujwe na Rayon Sports cyane yabonye ikipe ikomeye

Ikipe Kaizer Chiefs yo muri Afurika y’Epfo yatangaje ko yamaze gusinyisha...
18 August 2022 0

"Manchester United y’uyu mwaka niyo mbi kurusha iheruka kumanuka mu cyiciro...

Uwari Kapiteni wa Manchester United ubwo iheruka kumanuka muri 1974...
18 August 2022 0

MINISPORTS ntirishyura Amavubi agahimbazamusyi ka CHAN 2020

Hashize umwaka urenga "Amavubi ageze muri 1/4 cya CHAN 2020 yakinwe muri...
18 August 2022 0

Rayon Sports yasinyishije abakinnyi 2 barimo umunyezamu wa Yanga...

Rayon Sports imaze gutangaza ko yasinyishije amasezerano y’umwaka umwe,...
18 August 2022 0