Samuel Eto’o yahoze ari umwataka ukomeye wa Kameruni nk’igihugu cye yemeye icyaha cyo kunyereza umusoro ungana na miriyoni 3,2 z’amapawundi yakuye mw’igurisha ry’amashusho ye(droit à l’image /image rights) ubwo yakinira Barcelona.

Sponsored Ad

Samuel Eto’o yahoze ari umwataka ukomeye wa Kameruni nk’igihugu cye yemeye icyaha cyo kunyereza umusoro ungana na miriyoni 3,2 z’amapawundi yakuye mw’igurisha ry’amashusho ye(droit à l’image /image rights) ubwo yakinira Barcelona.

Uyu yabaye umukinyi wa mbere w’ Afrika w’umwaka incuro enye , kuri ubu yakatiwe igifungo gisubitse (suspended prison/sursis) cy’amezi 22 ubwo yagezwaga imbere y’ubutabera muri Espagne ejo ku wa mbere.

Agomba kwishyura aya mafaranga yose hiyomgereyeho indishyi ya 1.55 z’amapawundi.

Abacamanza bashinja Eto’o ko yananiwe no kumenyesha umutungo we n’ingano y’akayabo yakuye mu gucuruza amashusho ye hagati ya 2006 na 2009.

Eto’o ni we mukinnyi uherutse gushyirwa ku rutonde rurerure rw’abakinnyi b’abanyamahanga bakurikiranwa ku cyaha cyo kunyereza umusoro muri Espagne muri ino myaka, harimo kandi na Cristiano Ronaldo, Lionel Messi, Jose Mourinho na Neymar.

Uyu munya-Kameruni w’imyaka 41, ubu akaba ari we uyoboye ishyirahamwe ry’umupira w’amaguru rya Kameruni, yinjiye muri Barcelona mu 2004 afite imyaka 23.
Yakiniye kandi Real Madrid, Inter Milan, Chelsea na Everton mu gihe cyose yamaze akina umupira w’amaguru,mbere y’uko ahagarika mu 2019.