skol
Kigali

Se wa Nishimwe Blaise yavuze ku makuru yerekeza umuhungu we muri APR FC

Imyidagaduro   Yanditswe na: Dusingizimana Remy 7 July 2021

Umutoza Mateso Jean de Dieu ubyara Nishimwe Blaise yavuze ko umuhungu we agifitiye amasezerano Rayon Sports ko ikipe yose yamwifuza yaganira n’iyi kipe yigaragarijemo mu mwaka w’imikino ushize.


Nkuko amakuru dukesha Flash FM abitangaza,Bwana Mateso Jean de Dieu yakuyeho ibihuha byavugaga ko umuhungu we nta masezerano agifitinye na Rayon Sports ndetse yiteguye kwigira muri APR FC.

Umutoza Mateso Jean de Dieu, Yabwiye IGIHE ko ikipe yose yakwifuza umuhungu we yaganira na Rayon Sports kuko akiyifitiye amasezerano y’imyaka 2.

Ati “Blaise [Nishimwe] ni umukinnyi wa Rayon Sports mu gihe cy’imyaka ibiri iri imbere. Njye nta kindi navuga kuri byinshi biri kumuvugwaho kuko aracyafite amasezerano y’ikipe ye.“

Uyu mubyeyi wa Nishimwe yakuyeho urujijo ku bavuga ko yazamukiye mu kipe ya Intare FC isanzwe imeze nk’irerero rya APR FC.

Ati “Blaise afite irerero yakuriyemo ryitwa Imena kandi yanaciyemo abakinnyi barimo Kimenyi, Evode [Ntwali], Kalisa Rashid n’abandi. Kuva mu 2007 aba bose bari abakinnyi b’iri rerero. Intare FC yaramutiye kugira ngo ayikinire mu cyiciro cya Kabiri. Ntabwo ari ho yakuriye kuko twamutijeyo akuze. Ibyo bisobanuke neza. Kuva ku myaka irindwi, Blaise yari mu Imena.“

Amakuru amaze iminsi avugwa nuko uyu musore yifuzwa n’ikipe y’Ingabo z’Igihugu yitegura no kuba yamutangaho miliyoni 30 FRW gusa Rayon Sports yo ngo irashaka miliyoni 50.

Andi makuru aravuga ko Rayon Sports yemeye kugurisha Nishimwe Blaise muri APR FC kuri miliyoni 30 FRW ariko nayo ikongeraho umunyezamu Ntwari Fiacre yatije muri Marines FC.

APR FC yitegura imikino ya CAF Champions League,yatangiye kugura abakinnyi batandukanye ihereye kuri Nsabimana Aimable ndetse biravugwa ko ishaka kugarura Nshuti Savio na Kwitonda Alain Bacca wo muri Bugesera FC.

Rayon Sports yamaze kongera amasezerano y’imyaka 2 myugariro wayo Ndizeye Samuel wari usoje imyaka 2 ayikinira ndetse biravugwa ko yabikoreye rimwe na Mugisha Gilbert.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hamenyekanye umutoza Cristiano Ronaldo yifuza ko asimbura Solskjaer

Umutoza wa Ole Gunnar Solskjaer akomeje guhura n’igitutu kuri Old Trafford...
20 October 2021 0

"Umunya Brazil Chrismar Soares ntazatangirana Shampiyona na Rayon Sports "-...

Umutoza wa Rayon Sports,Masudi Irambona Juma,yatangaje ko mu bakinnyi afite...
20 October 2021 0

FIFA yahaye igihano gikomeye Rayon Sports kubera kwambura umukinnyi...

FIFA yahaye Rayon Sports igihano cyo kutazagura abakinnyi bashya guhera...
19 October 2021 0

Umutoza Solskjaer yashwanye na rutahizamu we bapfa ibyo yamuvuzeho

Abahagarariye Marcus Rashford ntabwo bishimiye umutoza wa Manchester United...
19 October 2021 0

Rayon Sports yasinyishije abakinnyi 3 b’inararibonye bayinyuzemo

Ikipe ya Rayon Sports yatangaje ko yamaze gusinyisha amasezerano y’umwaka 1...
18 October 2021 0

Bakame yasinyiye Police FC yemeye kumuhemba umushahara utubutse

Umunyezamu w’umunyabigwi mu Rwanda,Ndayishimiye Eric uzwi nka Bakame yasinye...
18 October 2021 0