Ikipe ya mbere yageze muri 1/16 ihagarariye umugabane wa Afurika,Senegal,izahura n’Ubwongereza bwabaye ubwa mbere mu itsinda B nyuma yo kunyagira Wales ibitego 3-0.
Ikipe ya Senegal yabonye itike nyuma yo gutsinda Ecuador ibitego 2-1,izahura n’Ubwongereza bwaraye butsinze Wales bubifashijwemo n’ibitego bibiri bya Marcus Rashford n’ikindi kimwe cya Phil Foden.
Ubwongereza bwayoboye umukino wabuhuzaga na Wales nubwo igice cya mbere cyarangiye banganya 0-0.
Nyuma yo gutsinda bugiye gutegura (...)

Sponsored Ad

Ikipe ya mbere yageze muri 1/16 ihagarariye umugabane wa Afurika,Senegal,izahura n’Ubwongereza bwabaye ubwa mbere mu itsinda B nyuma yo kunyagira Wales ibitego 3-0.

Ikipe ya Senegal yabonye itike nyuma yo gutsinda Ecuador ibitego 2-1,izahura n’Ubwongereza bwaraye butsinze Wales bubifashijwemo n’ibitego bibiri bya Marcus Rashford n’ikindi kimwe cya Phil Foden.

Ubwongereza bwayoboye umukino wabuhuzaga na Wales nubwo igice cya mbere cyarangiye banganya 0-0.

Nyuma yo gutsinda bugiye gutegura umukino uzabahuza na Senegal ku cyumweru saa tatu z’umugoroba.

Umutoza wa Wales,Rob Page yasimbuje kizigenza Gareth Bale kubera imvune igice cya mbere kirangiye gusa iminota yose yakinnye yakoze ku mupira inshuro 7 gusa.

Mu gice cya kabiri,Ubwongereza bwatangiranye ingufu bwinjiza ibitego 2 mu munota umwe birimo icya Rashford ku munota wa 50 n’icya Foden kuwa 51 mu gihe ikindi Rashford yagitsinze kuwa 68.

Ku rundi ruhande,Ubuholandi buzahura na Amerika yatsinze bigoranye Iran igitego 1-0 cyatsinzwe na Christian Pulisic.