skol
Kigali

Sergio Ramos yamaze gusezera Real Madrid yari amazemo imyaka 16

Imyidagaduro   Yanditswe na: Dusingizimana Remy 16 June 2021

Uwari Kapiteni wa Real Madrid, Sergio Ramos,yamaze gusezera iyi kipe no kuyishimira ibyo yamugejejeho nyuma yo kurangiza amasezerano ye ntiyemere kongera andi mashya nubwo ubuyobozi bwamwegereye.


Uyu munyabigwi wubashywe mu bakunzi n’abafana ba Real Madrid azerekeza ku kibuga cy’imyitozo cya Valdebebas gusezerera kuri uyu wa Kane aho azakora ikiganiro n’abanyamakuru ku gicamunsi.

Amasezerano ya Ramos azarangira kuwa 30 z’uku kwezi ariko ntiyemeye kuyongera kubera ko yahabwaga umwaka umwe ndetse agasabwa kugabanya 10% ku mushahara asanganwe.

Ramos w’imyaka 35, amaze imyaka 16 mu ikipe ya Real Madrid kuko yayigezemo muri 2005 avuye muri Sevilla.

Real Madrid yasohoye itangazo rigira riti “Real Madrid C. Firatangaza ko ejo kuwa Kane tariki ya 17 Kamena,saa 12:30,hazaba umuhango wo gusezera kuri kapiteni wacu Sergio Ramos uzitabirwa na Florentino Perez.”

Mu myaka 16 yambara umwenda wa Real Madrid,Ramos yakinnye imikino 671 atsinda ibitego 101 kandi ari myugariro.

Yatwaye La Liga 5,Champions League 4,ibikombe by’isi by’amakipe 4, European Super Cup 3, Copa del Rey 2, Supercopa de Espana 4.

Ramos afite agahigo kabi mu myitwarire mu kibuga kuko ariwe myugariro wahawe amakarita menshi.Muri rusange yahawe 191 muri La Liga,arimo 20 atukura.

Uyu myugariro biravugwa ko ashobora kwerekeza muri PSG cyangwa Manchester United.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Messi yahishuye amakipe aha amahirwe yo kugora PSG muri UEFA Champions...

Umunyabigwi mu mupira w’amaguru ukinira PSG, Lionel Messi, yashyize...
14 October 2021 0

Ombolenga agiye kumara ukwezi kose adakinira APR FC

Omborenga Fitina, umunyarwanda ukina ku ruhande rw’iburyo yugarira muri APR...
14 October 2021 0

Wa munya Brazil waje gukinira Rayon Sports yavuze intego ikomeye imuzanye...

Rutahizamu ukomoka muri Brazil,Chrismar Malta Soares,waje gukinira Rayon...
14 October 2021 1

Agnes Tirop wahagarariye Kenya mu mikino Olimpike i Tokyo yiciwe mu rugo...

Ibitangazamakuru byo mu gihugu cya Kenya biri kuvuga cyane ku rupfu rwa...
13 October 2021 0

N’golo Kante yakoze ku mutima abakozi bo muri Resitora yagiye gufatiramo...

N’golo Kante yongeye kwerekana ko ari we mukinnyi wicisha bugufi kurusha...
13 October 2021 0

Edinson Cavani yasabwe gukora ikintu gikomeye kubera Cristiano...

Rutahizamu Edinson Cavani yasabwe kuva muri Manchester United kubera ko...
13 October 2021 0