Ikipe ya Simba SC irashaka guca mu rihumye Young Africans ikagura Rwatubyaye Adul wa Rayon Sports wakoze ku mitima y’abanya Tanzania mu mikino ya CAF Confederations Cup.

Yanga yatangiye kurambagiza Rwatubyaye kuva kera,ishobora guhomba uyu musore kuko Simba SC yiyemeje gushora akayabo ka miliyoni 180 z’amashilingi ya Tanzania kuri uyu myugariro ukomeye mu Rwanda.

Mwanaspoti yatangaje ko Simba SC ishaka Rwatubyaye kuri miliyoni 180 z’amashilingi

Ikinyamakuru cy’imikino muri Tanzania,Mwanaspoti cyavuze ko Simba SC ikeneye gupapura Young Africans uyu myugariro cyane ko yamenye ko imaze iminsi mu biganiro n’umuhagarariye.

Rwatubyaye aramutse yerekeje muri Simba SC yasangamo abanyarwanda babiri barimo Niyonzima Haruna ndetse na Kagere Meddie.