Uruganda rwenga ibinyobwa bisembuye n’ibidasembuye rwa Skol Brewery rugiye guhemba abakinnyi beza b’ukwezi kwa ka Kabiri mu ikipe ya Rayon Sports, yaba mu ikipe y’abagabo ndetse n’iy’abagore.

Ni igikorwa giteganyijwe ku wa Gatanu tariki ya 13 Werurwe 2026 saa Munani z’amanywa mu Nzove kuri Stade ya SKOL, aho Rayon Sports isanzwe ikorera imyitozo.

Skol Lager isanzwe ari umufatanyabikorwa ukomeye wa Rayon Sports, ikaba itumiye abakunzi bose biyi kipe n’abakunda umupira w’amaguru muri rusange, muri ibi birori byo gutanga ibihembo ku bakinnyi bitwaye neza mu kwezi kwa Gashyantare.

Abahataniye iki gihembo mu ikipe y’abagabo ni Bigirimana Abedi, Olivier Kwizera na Tchimanga Ramazani.

Naho abo mu ikipe y’abagore bahataniye uyu mwanya, ni Ihirwe Regine, Uwihirwe Josiane na Raissa Umutoni.

Igihembo cy’umukinnyi w’ukwezi gitangwa na Skol Lager, kigamije guha icyubahiro abakinnyi batanga umusaruro udasanzwe mu kibuga yaba ku bagabo ndetse no ku bagore. Nanone kandi kikaba igikorwa cyo gutera imbaraga abandi bakinnyi kugirango nabo bazabe mu bazahatanira ukundi kwezi gukurikiraho.

Abakinnyi baheruka guhembwa ni abo mu kwezi k’Ukuboza na Mutarama aho mu ikipe y’abagabo Tony Kitoga yegukanye igihembo cy’ukwezi kwa 12 naho Emery Bayisenge yegukana icy’umukinnyi mwiza w’ukwezi kwa Mbere.

Mu bagore ho uwegukanye icy’umukinnyi mwiza w’ukwezi kwa 12 ni Emelyne Mukagatete mu gihe uwegukanye icy’umukinnyi mwiza w’ukwezi kwa mbere ari Emerance Niyonshuti.

Gutora umukinnyi uhabwa iki gihembo bikorerwa ku mbuga nkoranyambaga za Skol Lager.

Instagram: Skollager_rayon
Facebook: Skol lager

Ibi SKOL Lager ibikora buri kwezi mu rwego rwo gushyigikira umupira w’amaguru mu Rwanda binyuze muri Rayon Sports.