Kuri uyu wa 13 Werurwe 2026, mu Nzove ku kibuga ikipe ya Rayon Sports isanzwe yitorezaho, Uruganda rwenga ibinyobwa bisembuye n’ibidasembuye rwa Skol Brewery,binyuze mu kinyobwa cyayo Skol Lager, rwatangaje abakinnyi ba Rayon Sports begukanye igihembo cy’umukinnyi wahize abandi mu kwezi kwa Gashyantare, mu ikipe y’abagabo ndetse n’iya’abagore.

Abakinnyi begukanye igihembo cy’umukinnyi mwiza wahize abandi mu kwezi kwa Gashyantare, ni: Kwizera Olivier usanzwe ari umuzamu w’ikipe ya Rayon Sports y’abagabo ndetse na Ihirwe Regine ukinira ikipe y’abagore.

Aba bombi begukanye igihembo cy’umukinnyi mwiza wahize abandi mu kwezi kwa 2 bavuze ko bishimiye ibihembo bahawe ndetse akaba ari imbaraga bongerewe mu gukomeza gufatanya n’abandi bakinnyi guhatanira intsinzi za Rayon Sports.

Abari bahataniye iki gihembo mu ikipe y’abagabo ni Bigirimana Abedi, Olivier Kwizera na Tchimanga Ramazani.

Naho abo mu ikipe y’abagore bari bahataniye uyu mwanya, ni Ihirwe Regine, Uwihirwe Josiane na Raissa Umutoni.

Ibi SKOL Lager ibikora buri kwezi mu rwego rwo gushyigikira umupira w’amaguru mu Rwanda binyuze muri Rayon Sports.