Shyaka Valentin na Peter Adams ni bo begukanye igihembo cya SKOL cyo kuzajya kureba umukino wa nyuma w’igikombe cya Afurika cya 2025 muri Morocco.

Aba ni bamwe mu bari bafite amanota menshi bagiye bahabwa bitewe no kugura ibinyobwa bya SKOL.

Ni igikorwa cyabereye muri Mundi Center kuri iki Cyumweru tariki 4 Mutarama 2026, aho abakunzi b’umupira w’amaguru barimo bareba imikino y’igikombe cya Afurika cya 2025 kirimo kubera muri Morocco banywa ibinyobwa bya SKOL.

Ibi byabaye binyuze muri gahunda nshya y’Uruganda rwa Skol Brewery Ltd rwenga ibinyobwa bisembuye n’ibidasembuye yise ‘Twagiye Morocco,’ yatangijwe ku Cyumweru, tariki ya 23 Ugushyingo 2025, itangirizwa ahiswe Ahanad Bafana HQ muri Mundi Center.

Abafana bose barebera imikino muri Mundi Center bari bafite amahirwe yo gukusanya amanota yiswe “Ahanad Points” binyuze mu kugura Skol Malt bari kureba uyu mukino.

Binyuze mu gukusanya amanota mu gihe cy’imikino, abatsinze bahawe amahirwe yo kujya muri Maroc aho bazishyurirwa itike indege, aho bazacumbika, ingendo zo muri Maroc n’itike yo kureba umukino wa nyuma.

Abantu babiri batsindiye amatike batoranyijwe hakoreshejwe tombola yabaye kuri uyu wa 4 Mutarama 2026 muri Mundi Center. Si aba gusa bahembwe, kuko hari n’abandi banyamahirwe batatu batsinziye amafaranga ibihumbi 100Frw yo kunywa Skol Malt.

Iki gikorwa gishimangira intego ya Skol Malt yo kubaka umuco wo gukunda umupira w’amaguru no gushyiraho ahantu hahurira abafana bagasangira ibihe bitazibagirana.

Abanyamahirwe babiri batsindiye amatike yo kujya kureba Igikombe cya Afurika muri Maroc babikesheje SKOL

Habayeho tombola

Akanyamuneza ni kose kuri Shyaka Valentin na Peter Adams basekewe n’amahirwe

Ni muri gahunda Skol yise "Twagiye Morocco"

Abantu bari bitabiriye gahunda ya tombola ari benshi

David Bayingana niwe wari uyoboye iki gikorwa

Mu gihe iri rushanwa riri kuba, abantu bakomeje kuryoherwa na Skol Malt