Umutoza Steven Gerrard yirukanwe ku kazi n’ikipe ya Aston Villa,nyuma yo gutsindwa n’ikipe ya Fulham ibitego 3-0 mu mukino wa shampiyona ya Premier League wo kuri uyu wa Kane.
Uyu mugabo wari umaze amezi 11 atoza iyi kipe ntiyari yorohewe kuko mu mikino 11 yabonyemo amanota 9 gusa.
Uyu mutoza yirukanwe amaze gutsinda imikino 2 gusa ndetse ikipe ye yari ku rwego rwo hasi kuko byari byoroshye kuyitsinda.
Umuvugizi w’ikipe ya Aston Villa yagize ati: "Turashaka gushimira Steven ku bw’imirimo ye (...)

Sponsored Ad

Umutoza Steven Gerrard yirukanwe ku kazi n’ikipe ya Aston Villa,nyuma yo gutsindwa n’ikipe ya Fulham ibitego 3-0 mu mukino wa shampiyona ya Premier League wo kuri uyu wa Kane.

Uyu mugabo wari umaze amezi 11 atoza iyi kipe ntiyari yorohewe kuko mu mikino 11 yabonyemo amanota 9 gusa.

Uyu mutoza yirukanwe amaze gutsinda imikino 2 gusa ndetse ikipe ye yari ku rwego rwo hasi kuko byari byoroshye kuyitsinda.

Umuvugizi w’ikipe ya Aston Villa yagize ati: "Turashaka gushimira Steven ku bw’imirimo ye n’ubwitange bwe kandi tunamwifuriza ejo hazaza heza."

Gerrard yasimbuye Dean Smith nk’umuyobozi wa Villa mu Gushyingo 2021 nyuma yo gusezera muri Rangers.

Ariko uyu wahoze ari umukinnyi wo hagati w’Ubwongereza na Liverpool w’imyaka 42, yayfashije Villa gutsinda 13 gusa mu mikino 40 yakinnye mu mezi 11 ayimazemo.

Iyi kipe ayisize ku mwanya wa 17 muri Premier League .

Gerrard yaguriwe abakinnyi barimo Phillipe Coutinho, myugariro Diego Carlos na Boubacar Kamara ariko ntiyitwara neza.

Gerrard wakinnye imikino 710 muri Liverpool, yatangiye gutoza ahereye kuri Rangers muri 2018 maze ayifasha gutwara igikombe cya mbere cya Scottish Premiership mu myaka 10.