skol
Kigali

Thibaut Courtois wababaje cyane Liverpool yabwiye amagambo akomeye Abongereza bamusuzuguye

Imyidagaduro   Yanditswe na: Dusingizimana Remy 29 May 2022

Umunyezamu w’Umuhanga cyane,Thibaut Courtois wa Real Madrid,yavugije induru ati "Ntsinze umukino wa nyuma wa Champions League" hanyumaasaba ko Abongereza bubaha izina rye ahanini bitewe n’ukuntu bamusuzuguye avuye muri Chelsea.

Uyu mugabo wakinnye muri Chelsea yari yashegeshe bikomeye Liverpool mu mukino wa nyuma wa UEFA Champions League wabaye kuri uyu wa Gatandatu aho yakuyemo imipira yayo 9 yari ikomeye ndetse akora agahigo ko kuba umunyezamu wa mbere ubikoze kuri uru rwego.

Uyu Mubiligi udasanzwe mu kurinda izamu,yafashije Real Madrid gutwara igikombe itsinze Liverpool igitego 1-0.

Uyu mubiligi yashakaga kwihimura nyuma y’umukino ubwo yatangaga ibitekerezo bye nyuma y’uyu mukino kuri BT Sports.

Courtois yagize ati: “Ejo hashize navuze ko Real Madrid iyo ikinnye umukino wa nyuma itsinda. Dufite amateka meza.

Nakiriye tweets nyinshi zimbwira ko nzaca bugufi. Uyu munsi byagiye ku rundi ruhande.

Nari nkeneye gutsinda umukino wa nyuma mu mwuga wanjye kubera akazi katoroshye nakoze no gushyira icyubahiro ku izina ryanjye kuko ntatekereza ko ntubashywe cyane, cyane cyane mu Bwongereza.

Nabonye kunengwa kwinshi nyuma y’umwaka mwiza cyane bbambwira ko ntari mwiza bihagije. Gusa nishimiye cyane uko ikipe yitwaye kandi mu gihe nari nkenewe kuba mpari nari mpari ku ikipe.

Twatsinze amakipe meza ku isi. Uyu mwaka, City na Liverpool ntizari zisanzwe kuko muri shampiyona zararwanye kugeza ku munota wa nyuma muri Premier League.

Liverpool yatwaye ibikombe bibiri kandi uyu munsi yari ikomeye cyane gusa ndatekereza ko nakinnye umukino ukomeye kandi niwo wabaye itandukaniro uyu munsi kuko twabonye amahirwe amwe turayatsinda."

Courtois yamaze imyaka irindwi mu Bwongereza hamwe na The Blues - abasha kumara imikino 48 atinjijwe igitego mu mikino 128 ya Premier League yakinnye - mbere yo kwerekeza muri Real Madrid muri 2018.

Uyu mukinnyi w’imyaka 30 w’Umubiligi yegukanye ibikombe bibiri bya Premier League hamwe na Chelsea ndetse n’igikombe cya FA.Yongeyeho umudari wa Champions League n’ibikombe bibiri bya La Liga hamwe na Real.

Muri Champions League y’uyu mwaka, yarangije imikino 5 itinjijwe igitego kandi akuramo ibitego 59, ndetse mu gukuramo imipira yabazwe yagize ijanisha rya 80.56 ku ijana.



Courtois yahesheje igikombe Real Madrid

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Reba abakinnyi 5 bahabwa amahirwe yo kwegukana Tour de France ihatse andi...

Kuri uyu wa gatanu,tariki ya 1 Ukwakira 2022 nibwo irushanwa rikundwa...
30 June 2022 0

"Baduhaye akazi gakomeye"-Adil Mohamed yakuriye ingofero ikipe ya Kiyovu...

Umutoza wa APR FC, Adil Mohammed Erradi,yatangaje ko yanyuzwe n’imyitwarire...
30 June 2022 0

"Nishimiye ko natanze Byose"-Umunyabigwi muri Basketball Aristinde Mugabe...

Abinyujije ku mbuga nkoranyambaga ze,Umunyabigwi muri Basketball y’u Rwanda,...
30 June 2022 0

Sunrise FC yegukanye Igikombe cya shampiyona y’icyiciro cya kabiri

Ikipe ya Sunrise FC yegukany Igikombe cya Shampiyona y’Icyiciro cya Kabiri...
29 June 2022 0

Umukinnyi wa PSG yatewe n’ibisambo bimwiba ibintu bifite agaciro k’asaga...

Polisi iri guhiga bukware abajura bivugwa ko binjiye mu nzu ya Marco...
29 June 2022 0

Biravugwa: APR FC yamaze kumvikana na myugariro wari uhetse Rayon...

Biravugwa ko APR FC yamaze gusinyisha myugariro Niyigena wakiniraga Rayon...
29 June 2022 0