Umunyezamu wa Real Madrid,Thibaut Courtois yatangaje abanyezamu 3 yemera ko ari abahanga barimo uwa FC Barcelona,Marc-Andre ter Stegen, Alisson wa Liverpool na Jan Oblak wa Atletico Madrid gusa yibasiriwe n’abakunzi ba ruhago kubera ko atavuzemo David De Gea wa Manchester United.

Uyu mubiligi watangiye nabi muri Real Madrid,yatunguye benshi kuba atavuze umunyezamu De Gea mu bazamu bafite ubuhanga yemera kandi azi ubushobozi bwe ndetse bakinnye muri shampiyona imwe ubwo yari mu ikipe ya Chelsea.

Courtois umaze kwinjizwa ibitego 18 mu mikino 11 amaze gukinira Real Madrid yavuze ko umunyezamu wese agirwa n’ubwugarizi bwiza gusa hari abanyezamu bafite ubuhanga butangaje aho yavuzemo Allison,Oblak na Ter Stegen.

Yagize ati “Oblak,Ter Stegen na Alisson ni abanyezamu b’abahanga gusa sinabasha kuvuga umuhanga cyane.Kwitwara neza k’umunyezamu biterwa n’ubwugarizi bw’ikipe ndetse n’imikinire y’abakinnyi bose.”

Courtois araba ari mu izamu rya Real Madrid ubwo iraba yasuye Valencia uyu munsi muri La Liga iyobowe na FC Barcelona.

Courtois yavuze ko Ter Stegen,Alisson na Oblak aribo banyezamu yemera cyane