skol
Kigali

Tour de France 2021: Abakinnyi 21 bakomerekeye mu mpanuka yatewe n’igikarito umufana yari yitwaje

Imyidagaduro   Yanditswe na: Dusingizimana Remy 27 June 2021

Abakinnyi 21 mu 184 batangiye isiganwa rikomeye kurusha ayandi yose mu mukino wo gusiganwa ku magare rya Tour de France bakomerekeye mu mpanuka mbi cyane yatewe n’umufana wari ufite igikarito ku muhanda kigatega umukinnyi Tony Martin wa Jumbo Visma nawe akagusha benshi mu bari mu gikundi.


Kuri uyu wa Gatandatu nibwo Tour de France yatangiye hakinwa agace ka mbere kavaga Brest kerekeza Landerneau ku ntera y’ibirometero 198 ariko karanzwe n’impanuka nyinshi zirimo 2 zavunikiyemo abakinnyi benshi.

Hasigaye ibirometero 45 ngo aka gace karangire,umufana wari warangaye yinjiye mu muhanda afashe igikarito cyanditseho, hanyuma umukinnyi Tony Martin wari uyoboye ikipe ya Jumbo Visma agonga iki gikarito yikubita hasi nibwo benshi mu bari bamukurikiye barimo Kapiteni we Primoz Roglic na bagenzi be hafi ya bose bakinana baragwa.

Amakuru avuga ko uyu mugore wari witwaje iki gikarito cyanditseho ngo "Komera Nyogokuru na sogokuru"ugenekereje mu kinyarwanda,yashakaga gufatwa na camera za Tour de France agifashe ngo babibone bari mu rugo ariyo mpamvu yagiteze mu muhanda akoresha impanuka mbi cyane mu mateka ya Tour de France.

Uku kugwa kwa Jumbo Visma kwagushije abakinnyi benshi, cyane ko igikundi cyari cyegeranye byatumye abakinnyi 4 bahita bava mu irushanwa kubera imvune zikomeye mu gihe abandi bajyanwe kwa muganga bakoneretse.

Tony Martin wakoze impanuka yavuze ko we na bagenzi be bari bateguye neza aka gace ndetse biteguye kugatwara ariko uyu mufana bivugwa ko yari afite icyapa ashaka gusuhuza abo yasize mu rugo abicira ibirori.

Yagize ati “Ibintu byose byari ku murongo mbere y’iriya mpanuka.Nari nazanye abakinnyi bajye ku ruhande rw’iburyo ariko icyapa cy’umufana kiduteza impanuka.Byose byabaye byihuse,abakinnyi bacu bose baguye.Abafana benshi bitwara neza uretse uriya.Amahirwe nuko Primoz nta kibazo yagize.Ndizera ko ibikomere ikipe yagize byoroshye.”

Nubwo byagenze gutyo,aka gace ka mbere kaje kurangira kegukanwe n’Umufaransa w’umuhanga cyane Julian Alaphilippe ukinira ikipe ya Deceuninck-Quickstep.

Uyu mugabo uherutse kwibaruka imfura ye yatatse hasigaye ibirometero 2 bya nyuma,agenda yongera umuvuduko nkuko asanzwe abizwiho niko gutsinda ntawe umufashe.

Hari hashize imyaka 20 yose nta mufaransa wambara umwenda w’umuhundo ku munsi wa mbere ariko Julian Alaphilippe yabigezeho ndetse n’uyu munsi ashobora kwitwara neza kuko n’agace k’uyu munsi karasozwa bazamuka agasozi kadakanganye.

Abakinnyi bakomerekeye muri iriya mpanuka ikomeye bagahita basezera muri Tour de France barimo Ignatas Konovalovas (Groupama-FDJ) Cyril Lemoine (B&B Hotels-KTM),Marc Soler (Movistar na Jasha Sütterlin (Team DSM).

Habura ibirometero 10 ngo aka gace karangire habaye indi mpanuka yakomerekeyemo abandi bakinnyi barimo kizigenza Chris Froome watwaye Tour de France inshuro 4.

Uko agace ka mbere ka Tour de France kagenze:

1 – ALAPHILIPPE Julian – DECEUNINCK – QUICK-STEP – 4:39:05
2 – MATTHEWS Michael – TEAM BIKEEXCHANGE – +08
3 – ROGLIC Primoz – TEAM JUMBO-VISMA – +08
4 – HAIG Jack – BAHRAIN – VICTORIOUS – +08
5 – KELDERMAN Wilco – BORA – HANSGROHE – +08
6 – POGACAR Tadej – UAE TEAM EMIRATES – +08
7 – GAUDU David – GROUPAMA – FDJ – +08
8 – HIGUITA Sergio – EF EDUCATION – NIPPO – +08
9 – MOLLEMA Bauke – TREK-SEGAFREDO – +08
10 – THOMAS Geraint – INEOS GRENADIERS – +08

Urutonde rusange:

1 – ALAPHILIPPE Julian – DECEUNINCK – QUICK-STEP – 4:38:55
2 – MATTHEWS Michael – TEAM BIKEEXCHANGE – +12
3 – ROGLIC Primoz – TEAM JUMBO-VISMA – +14
4 – HAIG Jack – BAHRAIN – VICTORIOUS – +18
5 – KELDERMAN Wilco – BORA – HANSGROHE – +18
6 – POGACAR Tadej – UAE TEAM EMIRATES – +18
7 – GAUDU David – GROUPAMA – FDJ – +18
8 – HIGUITA Sergio – EF EDUCATION – NIPPO – +18
9 – MOLLEMA Bauke – TREK-SEGAFREDO – +18
10 – THOMAS Geraint – INEOS GRENADIERS – +18



Julian Alaphilippe yegukanye agace ka mbere ka Tour de France 2021 karanzwe n’impanuka

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Carlo Ancelotti yihanangirije Eden Hazard wifuza gukina ari ku rwego rwo...

Umukinnyi ukina asatira mu ikipe ya Real Madrid,Eden Hazard, yasabwe...
27 October 2021 0

Manchester United yamanutse cyane ku rutonde rw’amakipe akomeye i Burayi...

Ikipe ya Manchester United yamanutse ku mwanya wa cyenda ku rutonde rw’uko...
27 October 2021 0

APR FC yatomboye RS Berkane muri CAF Confederation Cup

Ikipe ya APR FC yatomboye ikigugu Renaissance Sportive de Berkane yo muri...
26 October 2021 0

Hitimana Thierry yagizwe umutoza wa Simba SC nyuma yo kwirukanwa kwa Didier...

Umunyarwanda Thierry Hitimana ahawe by’agateganyo inshingano zo kuba umutoza...
26 October 2021 0

Thierry Henry yahishuye impamvu ikomeye iri gutuma Messi adatanga umusaruro...

Uwahoze akinana na Lionel Messi, Thierry Henry,abona Paris Saint-Germain...
26 October 2021 0

Bonheur Mugisha(Casemiro) wa APR FC yakoze impanuka ya moto

Umukinnyi mushya wa APR FC Mugisha Bonheur uzwi nka Casemiro yaraye akoze...
26 October 2021 0