Ubuyobozi bw’ikipe ya TP Mazembe yo muri RDC bwatangaje ko nta butumire bwigeze bubona bwa CECAFA buyitumira kuzitabira CECAFA Kagame Cup 2024.

Sponsored Ad

Iyi kipe ibinyujije mu itangazo yashyize hanze,yavuze ko abakinnyi bayo bakiri mu biruhuko ndetse ko nibabona ubutumire bazasuzuma niba bakwitabira cyangwa bakabireka.

Itangazo rigira riti:"Ubuyobozi bwa TP Mazembe bwabonye mu bitangazamakuru ko ikipe yacu izitabira igikombe cya CECAFA Kagame Cup.

TPM iramenyesha umuryango mugari wayo ko kugeza ubu, nta butumire bwemewe bwo kwitabira irushanwa ry’igikombe cya CECAFA Kagame Cup yigeze kwitabira kera, irabona. Ubuyobozi buratangaza ko abakinnyi bari mu kiruhuko kandi ko imyitozo izasubukurwa ku ya 15 Nyakanga 2024,saa cyenda kuri stade ya TP Mazembe.

Igihe umuryango wo mu karere cyangwa urwego rw’akarere ruzasaba byemewe ikipe kwitabira irushanwa,izasuzuma ayo mahirwe hantuma utangaze niba ikipe izitabira cyangwa ikabyanga bitewe na gahunda ihari."

Ku wa 10 Kamena, ubuyobozi bwa CECAFA bwatangaje ko ‘CECAFA Kagame Cup 2024’ itakibaye kuva tariki ya 20 Nyakanga kugeza ku ya 4 Kanama, ahubwo yimuriwe hagati ya tariki ya 6 n’iya 22 Nyakanga 2024 kubera imikino myinshi iri ku ngengabihe ya CAF.

Umuyobozi Nshingwabikorwa wa CECAFA, John Auka Gecheo, yagize ati “Iri rushanwa rizafasha amakipe yacu muri Zone kwitegura neza mu ntangiriro z’umwaka w’imikino mbere y’uko CAF Champions League na CAF Confederation Cup ya 2024/25 bitangira muri Kanama. Kuba hazitabira amakipe akomeye yo muri Repubulika Iharanira Demokarasi ya Congo, Malawi na Zambia bizariryoshya kurushaho.”

Iri rushanwa ryatumye CECAFA y’ibihugu yari iteganyijwe kuva tariki ya 29 Kamena kugeza ku ya 14 Nyakanga ikurwaho kugira ngo amakipe abashe kwitegura neza Kagame Cup.

Amashyirahamwe ya Ruhago agize CECAFA ni irya Kenya, Uganda, Tanzania, Sudani y’Epfo, Sudani, Ethiopia, Eritrea, Zanzibar, Somalia, u Rwanda, u Burundi na Djibouti.

Kuri ubu, APR FC ni yo izahagararira u Rwanda muri iri rushanwa nyuma yo kwegukana Shampiyona ya 2023/24.

Amakipe 16 azarikina ni Vital ’O (Burundi), APR FC (Rwanda), El Merreikh, Al Hilal, Hai El Wadi (Sudani), Young Africans SC, Simba SC, Azam FC, Coastal Union FC (Tanzania), Gor Mahia FC (Kenya), SC Villa (Uganda), JKU SC (Zanzibar), El Merreikh FC-Bentiu (Sudani y’Epfo), Nyasa Big Bullets FC (Malawi), TP Mazembe (DR Congo) na Red Arrows FC (Zambia).