skol
Kigali

U Rwanda rwatsindiye kwakira shampiyona y’isi mu gusiganwa ku magare muri 2025

Imyidagaduro   Yanditswe na: Dusingizimana Remy 23 September 2021

U Rwanda bwa mbere mu mateka yarwo ndetse n’aya Afurika muri rusange, ruzakira Shamiyona y’isi mu gusiganwa ku magare muri 2025 nyuma yo guhabwa aya mahirwe ruhigitse Maroc byari bihatanye.


Nyuma y’igihe kinini u Rwanda rugaragaza ko rushoboye kwakira iri rushanwa,amakuru yamenyekanye ko rwahawe aya mahirwe nubwo itangazo ribyemeza rizasohoka ku munsi w’ejo.

Muri Nzeri 2019 nibwo abahagarariye Leta y’u Rwanda n’Ishyirahamwe ryo gusiganwa ku magare mu Rwanda bashyikirije David Lappartient, Perezida w’Impuzamashyirahamwe yo gusiganwa ku magare ku Isi (UCI), ibisabwa ngo ruzakire iyi shampiyona.

Leta y’u Rwanda yari ihagarariwe n’umunyamabanga uhoraho muri Minisiteri ya Siporo n’Umuco, Ntigengwa John mu gihe FERWACY yari ihagariwe n’uwari Perezida wayo Bayingana Aimable.

Abinyujije kuri Twitter, Perezida wa UCI, David Lappartient, yavuze ko uretse kwakira ubusabe bw’u Rwanda, yashimishijwe no kwakira intumwa z’Ishyirahamwe ry’Umukino w’Amagare mu Rwanda n’uwari Umuyobozi waryo Bayingana Aimable, bakaganira ku kigo kigamije iterambere ry’uyu mukino.

Nyuma yo kugira ubunararibonye bwo gutegura gutegura Tour du Rwanda inshuro 13, u Rwanda rwabaye igihugu cya mbere cyo muri Afurika cyakiriye shampiyona y’Isi.

Shampiyona y’Isi mu mihanda y’i Kigali izongerera ibyishimo Abanyarwanda no hanze y’u Rwanda, ku gihugu cyabaye intangarugero mu iterambere ry’inzego zose.

U Rwanda rwasabye kwakira shampiyona y’Isi y’amagare nyuma y’uko rwakiriye iya Afurika inshuro zirenze imwe kandi ikagenda neza cyane.

Muri iki cyumweru,iyi shampiyona y’isi iri gukinirwa mu Bubiligi ahazwi nka Flanders habera amarushanwa y’umunsi umwe akundwa cyane.

N’ukuvuga ko muri 2025,ibyamamare mu mukino wo gusiganwa ku magare biturutse hirya no hino ku isi bizahurira mu Rwanda gushaka umudali wa zahabu no kwambara umwenda w’umukororombya.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Messi yahishuye amakipe aha amahirwe yo kugora PSG muri UEFA Champions...

Umunyabigwi mu mupira w’amaguru ukinira PSG, Lionel Messi, yashyize...
14 October 2021 0

Ombolenga agiye kumara ukwezi kose adakinira APR FC

Omborenga Fitina, umunyarwanda ukina ku ruhande rw’iburyo yugarira muri APR...
14 October 2021 0

Wa munya Brazil waje gukinira Rayon Sports yavuze intego ikomeye imuzanye...

Rutahizamu ukomoka muri Brazil,Chrismar Malta Soares,waje gukinira Rayon...
14 October 2021 1

Agnes Tirop wahagarariye Kenya mu mikino Olimpike i Tokyo yiciwe mu rugo...

Ibitangazamakuru byo mu gihugu cya Kenya biri kuvuga cyane ku rupfu rwa...
13 October 2021 0

N’golo Kante yakoze ku mutima abakozi bo muri Resitora yagiye gufatiramo...

N’golo Kante yongeye kwerekana ko ari we mukinnyi wicisha bugufi kurusha...
13 October 2021 0

Edinson Cavani yasabwe gukora ikintu gikomeye kubera Cristiano...

Rutahizamu Edinson Cavani yasabwe kuva muri Manchester United kubera ko...
13 October 2021 0