Ishyirahamwe ry’umupira w’amaguru mu Budage (DFB) ryatangaje ku cyumweru ko ryamaze kumenyesha ikipe yabwo ya ruhago agahimbazamusyi kadasanzwe buzabaha nibatwara igikombe cy’isi.
Abakinnyi b’Ubudage buri wese azahabwa amayero 400.000 ($ 390.000) nibaramuka batwaye igikombe cy’isi kizabera muri Qatar mu mpera z’uyu mwaka.
Agahimbazamusyi ko gutwara igikombe kavuye ku bihumbi 350.000 by’amayero yari yatanzwe mu irushanwa ryabanje muri 2018, gusa Ubudage bwaviriyemo mu matsinda abakinnyi (…)

Ishyirahamwe ry’umupira w’amaguru mu Budage (DFB) ryatangaje ku cyumweru ko ryamaze kumenyesha ikipe yabwo ya ruhago agahimbazamusyi kadasanzwe buzabaha nibatwara igikombe cy’isi.

Abakinnyi b’Ubudage buri wese azahabwa amayero 400.000 ($ 390.000) nibaramuka batwaye igikombe cy’isi kizabera muri Qatar mu mpera z’uyu mwaka.

Agahimbazamusyi ko gutwara igikombe kavuye ku bihumbi 350.000 by’amayero yari yatanzwe mu irushanwa ryabanje muri 2018, gusa Ubudage bwaviriyemo mu matsinda abakinnyi barahomba.

Igihe Ubudage bwatwaraga igikombe cy’isi cyabereye muri Brazil mu 2014, abakinnyi bahawe agahimbazamusyi k’amayero 300.000 buri umwe.

Kuva mu itsinda muri Qatar bizabinjiriza buri mukinnyi ibihumbi 50.000 by’amayero mu gihe kubona umwanya muri kimwe cya munani bizabahesha 100.000 by’amayero.

Ubudage, bwifuza cyane guhindura imyitwarire mibi ya 2018, bwashyizwe mu itsinda E hamwe na Espagne, Costa Rica n’Ubuyapani.

Iri rushanwa rizatangira ku ya 20 Ugushyingo naho Ubudage buzafungura irushanwa bukina n’Ubuyapani ku ya 23 Ugushyingo.

Umwanya wa kimwe cya kabiri uzabahesha amayero 150.000 buri umwe, mugihe gutsindira umwanya wa gatatu biziinjiriza abakinnyi b’Ubudage 200.000 by’amayero.