Umukinnyi Mesut Ozil ukinira ikipe ya Arsenal,ari mu rukundo n’umukobwa witwa Amine Gulse wabaye icyamamare muri Turkia mu mwaka wa 2014 ubwo yatorerwaga kuba nyampinga w’iki gihugu.

Amine Gulse w’imyaka 25,ni umwe mu bakobwa bazwi cyane muri Turkia kuko ari umunyamideli wagafashe ndetse akina amafilimi y’uruhererekane aca kuri TV (TV series).

Mesut Ozil n’uyu mukobwa batangiye gukundana mu mwaka wa 2014 ndetse kuri ubu bamaze imyaka 4 bakundana.

Amine Gulse yabyawe n’umugabo ukomoka muri Iraq mu gihe nyina umubyara we ari umunya Turkia babana mu mujyi wa Istanbul.

Uyu mukunzi wa Ozil yitabiriye amarushanwa wa nyampinga w’isi 2014 yabereye muri USA mu mujyi wa Las Vegas ariko ntiyabasha kwegukana iri Kamba.

Ozil ufite ubuhanga bwo gutanga imipira ivamo ibitego,aherutse gusinyira Arsenal amasezerano masbya y’imyaka 3 yamuhesheje guhembwa akayabo k’amapawundi ibihumbi 350 ku cyumweru.