skol
Kigali

Ubutaliyani bwageze ku mukino wa nyuma wa EURO 2020

Imyidagaduro   Yanditswe na: Dusingizimana Remy 7 July 2021

Ikipe y’igihugu y’Ubutaliyani yageze ku mukino wa nyuma wa Euro 2020 nyuma yo gutsinda Espagne kuri penaliti 4-2 nyuma y’aho mu minota 120 yose amakipe yombi yanganyije igitego 1-1 muri ½ cy’irangiza.


Ubutaliyani bwaherukaga gutsindirwa ku mukino wa nyuma wa Euro 2012 na Espagne ibunyagiye ibitego 4-0,bwihoreye burayibabaza muri ½ cy’irushanwa ry’uyu mwaka iyisezerera kuri penaliti 4-2.

Muri uyu mukino Espagne yaruhije cyane Ubutaliyani ariko buyitanga kwinjira mu mukino kuko bwabonye igitego ku munota wa 60 gitsinzwe na Federico Chiesa nyuma y’umupira wananiwe gukurwa imbere y’izamu na Aymeric Laporte.

Umutoza wa Espagne akimara gutsindwa igitego yahise yinjiza mu kibuga rutahizamu Alvaro Morata asimbura Ferran Torres ku munota wa 62.

Uyu rutahizamu Morata wa Juventus yongereye imbaraga mu busatirizi bwa Espagne yakinaga neza ariko yananiwe gutsinda igitego,birangira anayishyuriye iki gitego ku munota wa 80 ku mupira mwiza yahawe na Daniel Olmo.

Iminota 90 yarangiye amakipe yombi anganya igitego 1-1,umusifuzi yongeyeho iminota 30 yagoye aya makipe yombi.

Iminota 15 ya mbere Espagne yabonye amahirwe 2 yo gutera mu izamu ariko umunyezamu Donnaruma ayibera ibamba mu gihe mu gace ka kabiri Ubutaliyani nabwo bwasatiriye cyane Espagne.

Nyuma y’iminota 120,amakipe yombi yahise yinjira muri penaliti aho Ubutaliyani bwabanje guhusha penaliti yatewe na Manuel Locatelli,umunyezamu Unai Simon ayikuramo.

Espagne yahise ijya gutera penaliti yayo ya mbere ariko Daniel Olmon awe arayihusha.

Andrea Belotti1 yahise yinjiza iya kabiri y’Ubutaliyani hanyuma na Gerard Moreno arayinjiza kuri Espagne.

Leonardo Bonucci yinjije iya kabiri y’Ubutaliyani hanyumaThiago Alcantara nawe arayinjiza ku ruhande rwa Espagne.

Federico Bernardeschi yatsinze iya 3 y’Ubutaliyani hanyuma rutahizamu Alvaro Morata ayitera nabi umunyezamu Donnaruma ayikuramo.

Ubutaliyani bwahise bubona amahirwe yo gutsinda umukino kuko bwasabwaga gutsinda penaliti imwe niko kohereza kizigenza Jorginho,atera penaliti nziza cyane yagejeje igihugu cye ku mukino wa nyuma.

Ubutaliyani bugiye gutegereza izarokoka hagati y’Ubwongereza na Denmark mu wundi mukino wa ½ uzaba kuri uyu wa Gatatu I Wembley.

Ubutaliyani bwageze ku mukino wa nyuma wa Euro 2020 ku nshuro yayo ya 4 aho ari ikipe ya kabiri imaze kugera ku mikino myinshi nyuma y’Ubudage.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Cristiano Ronaldo yabwiye amagambo akomeye abafana ba United nyuma yo...

Umunyabigwi wa Manchester United,Cristiano Ronaldo yabwiye abafana ba...
25 October 2021 0

Inkweto Micheal Jordan yakinanye bwa mbere muri NBA zaguzwe akayabo...

Inkweto zambawe n’icyamamare muri Basketball Michael Jordan zaguzwe ku...
25 October 2021 0

Agahinda k’umugore wa Kobe Bryant wamenye iby’urupfu rw’umugabo we ku mbuga...

Vanessa Bryant, umupfakazi wa Kobe Bryant, yavuze ko yamenye iby’urupfu...
25 October 2021 0

Uko byiriwe mu mikino: AS Kigali yasezerewe na Motema Pembe,Real Madrid...

Kuri iki cyumweru habaye imikino itandukanye yaba mu marushanwa ya CAF...
24 October 2021 0

Umutoza Soskjaer yahaye ubutumwa bukomeye abakinnyi ba United mbere yo...

Umutoza wa Manchester United,Ole Gunnar Solskjaer yahaye abakinnyi be...
24 October 2021 0

Hatangajwe amagambo akomeye Cristiano Ronaldo yabwiye bagenzi be...

Kuwa 3 w’iki cyumweru nibwo United yatunguranye itsinda Atalanta ibitego 3-2...
24 October 2021 0