Ikipe y’igihugu y’Ubwongereza [Three Lions] yaraye igeze mu Budage yitabiriye imikino ya EURO2024 aho izatangira iri rushanwa ikina na Serbia mu mukino ushobora kuyigora kubera ko abakinnyi batanu igenderaho bafite utubazo.

Sponsored Ad

Nyuma yo gutsindwa igitego 1-0 na Iceland i Wembley ku cyumweru,Ubwongereza bwateye benshi gushidikanya ndetse ikipe yabwo yiganjemo abakinnyi bakiri bato iritezwe cyane.

Umutoza Southgate yahamagaye abakinnyi badafite ubunararibonye asiga amazina azwi nka Jack Grealish, James Maddison na Harry Maguire.

Kubera abakinnyi adafite,ashobora kwisanga akinishije Anthony Gordon, Cole Palmer na Eberechi Eze ku mukino we wa mbere na Serbia.

The Telegraph iravuga ko Jude Bellingham, Phil Foden, Bukayo Saka, John Stones na Luke Shaw batameze neza ndetse bazabanza gusuzumwa mbere y’umukino wa Serbia uzaba ku cyumweru.

Aba bakinnyi batanu ari bazima bose babanza mu kibuga.

Bellingham ntiyakinnye imikino ya Iceland na Bosnia & Herzegovina nyuma yo guhesha Real Madrid Champions League mu gihe Saka nawe atameze neza.

Shaw yakiniye Man United imikino 15 mu mwaka w’imikino ushize mu gihe Foden nawe atameze neza.

Lewis Dunk, Ezri Konsa na Joe Gomez bazahatanira umwanya wo gukinana na Marc Guehi mu bwugarizi.