Ikipe y’igihugu y’Ubwongereza yatangiye neza imikino ya Euro 2024 itsinda Serbia igitego 1-0,mu mukinnyi abakinnyi babwo bakomeye nka Phil Foden batigaragaje cyane.

Sponsored Ad

Mu mukino wabagoye,abakinnyi y’ikipe y’Ubwongereza biganjemo amazina azwi cyane batsinze Serbia igitego kimwe ku busa.

Iki gitego cyabonetse hakiri kare gitsinzwe na Jude Bellingham ku munota wa 13,ku mupira mwiza yahawe na Bukayo Saka.

Ubwongereza bwabonye andi mahirwe muri uyu mukino menshi arimo aya Kyle Walker wasigaranye n’umunyezamu akananirwa kumuroba.

Ku munota wa 77,Harry Kane yahawe umupira mwiza na Bowen,awuteye n’umutwe ugarurwa n’igiti cy’izamu.

Serbia yakangutse mu minota ya nyuma ishaka kwishyura ndetse ibona amahirwe akomeye ku mupira watewe na Dusan Vlahovic,umunyezamu Pickford ashyira umupira muri koloneri.

Ubwongereza bwiruhukije umukino urangiye,bwiyongera ku yandi makipe akomeye yatsinze nka Espagne,Ubutaliyani,Ubuholandi n’Ubudage.

Kuri uyu wa Mbere,Ubufaransa burakina na Autriche,Ububiligi bukine na Slovakia mu gihe kuri uyu wa Kabiri Portugal izakina na Czech Republic.

Jude Bellingham niwe watowe nk’umukinnyi w’umukino imbere ya Serbia,kiba igihembo cyiyongera kuri 12 yahawe mu mwaka w’imikino ushize muri Real Madrid.

Umutoza Gareth Southgate yavuze ko ari umukinnyi "uri kwandika amateka ye".

Uyu musore w’imyaka 20 ukomoka i Stourbridge hafi ya Birmingham, ukinira Real Madrid, niwe mukinnyi wa mbere i Burayi wagaragaye mu marushanwa mpuzamahanga atatu akomeye mbere yo kuzuza imyaka 21.

Yatsinze ibitego bibiri muri Euro ebyiri, kandi,yinjiza igitego kuri Irani mu gikombe cy’isi 2022.

Nyuma y’umukino, Bellingham yagize ati: "Niteguye gutanga ibisabwa byose kandi niteguye gukora ibishoboka byose kugira ngo igihugu ngifashe gutwara iri rushanwa ry’umupira w’amaguru."