Harry Kane yakuyeho agahigo kari gafitwe na Wayne Rooney aba umukinnyi wa mbere w’Umwongereza utsinze ibitego byinshi muri Champions League ibitego 31.

Sponsored Ad

Ibi byabaye mu ijoro ryo ku wa kabiri tariki 17 Nzeri 2024, ubwo ikipe ya Bayern Munich yanyagiraga Dinamo Zabreb ibitego 9-2.
Muri uyu mukino Harry Kane yatsinze ibitego 4 , yuzuza ibitego 53 mu mikino 50 amaze gukinira Bayern Munich.

Nyuma yo gutsinda ibitego 4 muri uyu mukino yagize ibitego 31 bimugira umukinnyi w’Umwongereza ufite ibitego byinshi muri Champions League kuko Wayne Rooney wari ufite aka gahigo , afite ibitego 30.

Harry Kane yageze muri Bayen Munich muri 2023, avuye muri Tottenham yo mu gihugu cy’Ubwongereza, aho mu mwaka we wa mbere yabaye umukinnyi watsinze ibitego byinshi muri Shampiyona y’Ubudage.

Rutahizamu w’umunya- Portigal Cristiano Ronalido niwe ufite ibitego byinshi muri Champions League aho afite ibitego 141.