Kuri uyu wa kabiri taliki ya 12 Nzeri 2017,nibwo imikino y’amakipe yabaye aya mbere ku mugabane w’I Burayi yatangiye aho hakinaga kuva mu itsinda rya A kugera mu rya D aho umukino wari utegerejwe na benshi warangiye Fc Barcelona inyagiye Juventus ibitego 3-0 mu gihe amakipe yo mu Bwongereza yose yitwaye neza. Uyu mukino wari utegerejwe na benshi wabereye ku kibuga Camp Nou waranzwe no kwiharira umupira kw’ikipe ya Fc Barcelona ndetse igenda ihusha uburyo bwabazwe cyane ko yakinaga na Juventus (...)

Sponsored Ad

Kuri uyu wa kabiri taliki ya 12 Nzeri 2017,nibwo imikino y’amakipe yabaye aya mbere ku mugabane w’I Burayi yatangiye aho hakinaga kuva mu itsinda rya A kugera mu rya D aho umukino wari utegerejwe na benshi warangiye Fc Barcelona inyagiye Juventus ibitego 3-0 mu gihe amakipe yo mu Bwongereza yose yitwaye neza.

Uyu mukino wari utegerejwe na benshi wabereye ku kibuga Camp Nou waranzwe no kwiharira umupira kw’ikipe ya Fc Barcelona ndetse igenda ihusha uburyo bwabazwe cyane ko yakinaga na Juventus yaburaga abakinnyi bayo bakomeye nka Georgio Chiellini,Sami Khedira na Mario Mandzukic.

Ku munota wa wa nyuma wa 45 w’umukino nibwo Lionel Messi yatsindiye Barcelona igitego cya mbere ndetse kiba n’icya mbere atsinze umunyezamu Buffon dore ko atari yakamwinjiza igitego mu nshuro zose bahuye.

Ikipe ya FC Barcelona yatsinze igitego cya 2 ku munota wa 56 gitsinzwe na Ivan Rakitic ku burangare bwa ba myugariro ba Juventus.Lionel Messi yatsinze igitego cya 3 ku munota wa 69 umukino uza kurangira ari ibitego 3 bya Barcelona ku busa bwa Juventus de Turin.

Amakipe yo mu Bwongereza yitwaye neza mu mikino ibanza dore ko ikipe ya Manchester United ku kibuga cyayo Old Trafford yatsinze FC Basel ibitego 3-0 byatsinzwe na Marouane Fellaini,Romelu Rukaku na Marcus Rashford.

Ikipe ya Chelsea yatanze isomo rya Ruhago kuko yatsinze Qarabag ibitego 6-0 byatsinzwe na Pedro Rodriguez,Davide Zappacosta,Cesar Azpiricueta,Tiemoue Bakayoko,Michy Batshuayi na Maksim Medvedev witsinze.

Ikipe ya Paris Saint Germain yanyagiye ikipe ya Celtic Grasgow iyisanze iwayo ibitego 5-0 byatsinzwe na Neymar Jr,Kylian Mbappe ,Edinson Cavani watsinze 2 na Mikael lustig witsinze icya nyuma.

Uko imikino ya UCL yagenze :
Champions League-Group A
Benfica 1-2 CSKA Moscow
Manchester United 3-0 Basel

Champions League - Group B
Bayern Munich 3-0 Anderlecht
Celtic 0-5 Paris Saint Germain

Champions League - Group C
Chelsea 6-0 Qarabag FK
Roma 0-0 Atletico Madrid

Champions League - Group D
Barcelona 3-0 Juventus
Olympiacos 2-3 Sporting C