Nubwo yasatiriye cyane ndetse igahusha ibitego byabazwe,ikipe ya Chelsea yatsinzwe igitego 1-0 na Borussia Dortmund mu mukino ubanza wa 1/16 cya UEFA Champions League wabereye i Signal Iduna Park mu Budage.
Chelsea iheruka guca agahigo ko gushora akayabo kenshi mu kugura abakinnyi mu isoko ryo mu kwezi kwa mbere,ntabwo igaragaza ko izakira vuba ikibazo cyo kutagira ba rutahizamu batyaye.
Igitego cya Karim Adeyemi ku munota wa 63 nicyo cyahaye BVB intsinzi nyamara Chelsea niyo yahushije (...)

Sponsored Ad

Nubwo yasatiriye cyane ndetse igahusha ibitego byabazwe,ikipe ya Chelsea yatsinzwe igitego 1-0 na Borussia Dortmund mu mukino ubanza wa 1/16 cya UEFA Champions League wabereye i Signal Iduna Park mu Budage.

Chelsea iheruka guca agahigo ko gushora akayabo kenshi mu kugura abakinnyi mu isoko ryo mu kwezi kwa mbere,ntabwo igaragaza ko izakira vuba ikibazo cyo kutagira ba rutahizamu batyaye.

Igitego cya Karim Adeyemi ku munota wa 63 nicyo cyahaye BVB intsinzi nyamara Chelsea niyo yahushije ibitego byinshi.

Joao Felix na Reece James bateye imipira yagaruwe n’igiti cy’izamu mu gihe myugariro Kalidou Koulibaly yateye umupira ugarurwa ugiye kurenga umurongo na Emre Can.

Enzo Fernandez nawe yahushije igitego cyabazwe mu minota y’inyongera ubwo yateraga ishoti rikomeye ryakuwemo n’umunyezamu Gregor Kobel.

Nubwo Chelsea itacibwa intege no kuba yatsinzwe igitego 1-0,ariko ishobora guhemukirwa n’ubusatirizi bwayo mu mukino wo kwishyura uteganyijwe kuwa 07 Werurwe 2023.

Chelsea yaguze abakinnyi 8 mu kwezi kwa mbere ariko kubona uwatsinda igitego biragoranye ahanini nka Joao Felix na Mudryk ntibaragaragaza ubukaka bwabo.

Mykhailo Mudryk, Fernandez na Felix baje bitezweho kuba ibisubizo bya The Blues ariko muri uyu mukino byasabye iminota 60 kugira ngo Chelsea itere mu izamu bwa mbere.