Ishyirahamwe ry’umupira w’amaguru i Burayi,UEFA,ryashyize hanze urutonde rw’abakinnyi batatu bazatoranywamo uwahize abandi i Burayi barimo Messi utwawe n’uko yegukanye igikombe cy’isi.

Kuri uyu wa 17 Kanama 2023 nibwo UEFA yatangaje aba bakinnyi batatu bahataniye igihembo cy’umukinnyi mwiza w’umwaka 2022-2023 i Burayi barimo:

Kevin De Bruyne(Man City)
Erling Haaland(Man City)
Lionel Messi(PSG 2022-2023,Inter Miami).

Aba batowe n’abatoza b’amakipe yageze mu matsinda ya 2022/23 UEFA Champions League, UEFA Europa League na UEFA Europa Conference League, kongeraho abatoza b’ibihugu bigize umugabane w’i Burayi n’abanyamakuru batoranyijwe mu bagize European Sports Media (ESM).

Abandi batowe bakuzuza 10 ba mbere:

4 İlkay Gündoğan (Germany & Manchester City,Barcelona) – 129 points
5 Rodri (Spain & Manchester City) – 110 points
6 Kylian Mbappé (France & Paris) – 82 points
7 Luka Modrić (Croatia & Real Madrid) – 33 points
8 Marcelo Brozović (Croatia & Inter,Al Nassr) – 20 points
9 Declan Rice (England & West Ham,Arsenal) – 14 points
10 Alexis Mac Allister (Argentina & Brighton,Liverpool) – 12 points
11 Jesús Navas (Spain & Sevilla) – 6 points

UEFA yatangaje kandi abatoza batatu bahataniye igihembo cy’umwiza wa 2022-2023 i Burayi barimo:

Pep Guardiola(Man City)
Simone Inzaghi(Inter)
Luciano Spalletti(Wahoze atoza Napoli)

Benshi mu bakurikirana umupira w’amaguru ku isi baremeza ko ibi bihembo bizajya muri Man City icya mbere kigahabwa Erling Halaand hanyuma ikindi kigahabwa umutoza Pep Guardiola.

Aba bombi muri Man City batwaye Champions League,Prermier League,FA Cup na Super Cup baraye batwaye.

Ibi bihembo bizatangwa tariki 31 Kanama 2023, bitangirwe i Monaco mu Bufaransa hazaba hari no kubera tombora y’amatsinda ya UEFA Champions League 2023-2024.