Ishyirahamwe ry’umupira w’amaguru ku mugabane w’I Burayi UEFA ryatangaje ko igitego Cristiano Ronaldo yatsinze Juventus agaramye mu kirere ubwo yahuraga na Real Madrid muri ¼ cya UEFA Champions League,aricyo cyahize ibindi mu mwaka w’imikino ushize.

Sponsored Ad

Mu bantu basaga ibihumbi 346,915 batoye igitego cyahize ibindi mu mwaka w’imikino ushize ku rubuga rwa UEFA,abasaga ibihumbi 200,000 batoye iki gitego cya Cristiano Ronaldo.

Igitego cya Ronaldo nicyo cyahize ibindi mu mwaka w’imikino ushize

Ronaldo yishimiye ko igitego cye cyatowe aho abinyujije kuri Twitter yashimiye abamutoye ndetse avuga ko atazacyibagirwa kuko akimara kugitsinda abafana ba Juventus bari bahanganye nabo bamukomeye amashyi.

Ronaldo yagiye azengereza Juventus cyane mu mikino ya UEFA Champions League,byatumye ifata umwanzuro wo kumugura aho kuri ubu ari mu bahanzwe amaso yo gufashwa kwegukana UEFA Champions League,iyi kipe iheruka mu mwaka wa 1996.

Igitego Payet yatsinze Leipzig cyabaye icya kabiri

Iki gitego Ronaldo yatsinze Juventus cyahigitse icya Dimitri Payet na Eva Navarro bari bahanganye.

Ibitego 3 byahize ibindi
1) Cristiano Ronaldo (Juventus 0-3 Real Madrid - 03/04/18) - amajwi 197,496

2) Dimitri Payet (Marseille 5-2 RB Leipzig - 12/04/18) - amajwi 35,558

3) Eva Navarro (Germany 0-2 Spain - 21/05/18) - amajwi 23,315