skol
Kigali

Uko byiriwe mu mikino: AS Kigali yasezerewe na Motema Pembe,Real Madrid itsinda Barcelona mu gihe Salah yafashije Liverpool kunyagirira Manchester United iwayo

Imyidagaduro   Yanditswe na: Dusingizimana Remy 24 October 2021

Kuri iki cyumweru habaye imikino itandukanye yaba mu marushanwa ya CAF ndetse no ku mugabane w’I burayi habaye imikino y’ishyiraniro irimo uwahuje Manchester United na Liverpool na Real Madrid na FC Barcelona.


Mu mukino wari utegerejwe na benshi,ikipe ya Real Madrid yatsinze FC Barcelona ibitego 2-1 iyisanze ku kibuga cyayo Camp Nou.

Real Madrid yafunguye amazamu ku munota wa 32 ku gitego cyatsinzwe na David Alaba ku mupira mwiza yahawe na Rodrygo Goes.

Nubwo FC Barcelona yahererekanyaga umupira neza ndetse ikanyuzamo igasatira Real Madrid,ntibyayoroheye kubona ibitego kubera ubusatirizi bwayo butari ku rwego rwo hejuru.

Mu gice cya kabiri,Real Madrid yinjije igitego cya kabiri ku munota wa 3 w’inyongera nyuma y’uko iminota 90 yari yarangiye hongeweho 8.Iki gitego cyatsinzwe na Lucas Vazquez.Igitego cy’impozamarira cya FC Barcelona cyatsinzwe na Sergio Aguero ku mupira mwiza yahawe na Sergino Dest.Iki gitego nicyo cya mbere uyu munya Argentina atsinze muri iyi kipe ye nshya.

Uyu mukino wagonganye n’uwahuje Manchester United yari yakiriye Liverpool inyagirirwa ku kibuga cyayo ibitego 5-0 ndetse inahabwa ikarita itukura.

United yari ku rwego rwo hasi cyane,yatsinzwe igitego cya mbere ku munota wa 5 na Naby Keita ku mupira mwiza yahawe na Mohamed Salah.

Ku munota wa 13,Diogo Jota yatsindiye Liverpool igitego cya 2 nyuma y’aho ba myugariro 2 ba United Maguire na Shaw bagonganye ku mupira wisangira Keita awuhereza T. Alexander-Arnold nawe awucomekera uriya munya Portugal asunikira mu izamu.

United yari hasi mu busatirizi no mu bwugarizi,yatsinzwe igitego cya 3 ku munota wa 38 na Mohamed Salah,ku mupira mwiza yahawe na Naby Keita.

Ku munota wa 5 ku yongerewe kuri 45,Liverpool yabonye igitego cya 4 cyatsinzwe na Mohamed Salah ku mupira mwiza yahawe na Diogo Jota.Igice cya mbere cyarangiye Liverpool ifite ibitego 4-0.

Mu gice cya kabiri,United ntacyo yahinduye kuko yakomeje kurushwa cyane ndetse iza gutsindwa igitego cya 5 na Mohamed Salah ku munota wa 50 ku mupira yahawe na Henderson agasiga ba myugariro ba united bari barangaye.

United yahuye n’uruva gusenya ku munota wa 60 ubwo Paul Pogba wari winjiye mu kibuga asimbuye yakandagiraga nabi Naby Keita bituma ahita ahabwa ikarita itukura.

United yashoboye kwihagararaho mu minota 30 yakurikiyeho ntiyatsindwa ikindi gitego,birangira umukino iwutsinzwe ibitego 5-0.

Mohamed Salah uri mu bihe byiza cyane,yabaye umukinnyi wa mbere utsinze ibitego 3 atsinda Man Utd ku kibuga cya Old Trafford kuva Ronaldo wo muri Brazil yabikora muri Champions League ya 2003.

Rutahizamu Salah niwe Munyafrica watsinze ibitego byinshi (106) mu mateka ya Premier League,yaciye kuri Drogba ufite 104. Imikino 10 ikurikiranye atsinda byibura igitego.

Uyu mukino Liverpool yatsinze ManchesterUnited 5-0 wujuje imikino 200 umutoza Jurgen Klopp amaze gutsinda nk’umutoza wa Liverpool mu mikino 331 amaze gutoza iyi kipe.

AS Kigali na Rayon Sports zatengushye abafana

Ikipe ya AS Kigali yari ihagarariye u Rwanda mu mikino ya CAF ConfederationS Cup,yasezerewe na Darling Club Motema Pembe yo muri RDC itsinzwe ibitego 4-2 mu mikino yombi.

Uyu munsi yatsinzwe ibitego 2-1 ku kibuga cya Martyrs i Kinshasa byiyongera kuri 2-1 yatsindiwe i Kigali birangira isezerewe.Kwizera Pierre niwe wayitsindiye igitego cy’impozamarira.

Kiyovu Sports yabihije "Rayon Sports Day"

Mu mukino wa gicuti wahuje abakeba,Rayon Sports na Kiyovu Sports warangiye iyi kipe yambara icyatsi itsinze Rayon Sports ibitego 2-1.

Rayon Sports yari yateguye ibirori ku munsi wayo "Rayon Sports Day" yatsinzwe na Kiyovu Sports SC ibitego 2-1 byose byinjiye mu gice cya kabiri.

Ku munota wa 53,Kiyovu Sports yafunguye amazamu ku gitego cyatsinzwe na Bigirimana Abedi ku mupira yahawe na Kevin Ishimwe

Bidatinze ku munota wa 59,Kiyovu Sports yatsinze igitego cya kabiri ibifashijwemo na Mugenzi Bienvenue ku mupira yahawe na Ngandu Omar.

Igitego cy’impozamarira cya Rayon Sports cyatsinzwe ku munota wa 67 na Essombe Willy Onana kuri penaliti.

Uyu niwo mukino wa mbere witabiriwe n’abafana kuva kuwa 14 Werurwe 2020,Coronavirus yageze mu Rwanda.


Rayon Sports yatsinzwe na Kiyovu Sports kuri "Rayon Sports Day"

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rihanna yagizwe intwari ya Barbados cyiyomoye ku mwamikazi Elizabeth wa...

Umuhanzikazi Robyn Fenty Rihanna, yagizwe intwari y’igihugu cye cya Barbados...
30 November 2021 0

Lionel Messi yegukanye Ballon d’Or ya 7 ahigitse Lewandowski

Umunya Argentine w’umunyabigwi mu mupira w’amaguru,Lionel Messi,ukinira...
29 November 2021 0

Umutoza mushya wa Manchester United yavuze amagambo akomeye ku bakinnyi...

Ikipe ya Manchester United yatangaje ku mugaragaro Ralf Rangnick nk’umutoza...
29 November 2021 0

Sergio Ramos yahaye igisubizo gitangaje uwamubajije niba yifuriza Messi...

Sergio Ramos ashobora kuba yarakaje bamwe mu bafana ba Real Madrid nyuma yo...
29 November 2021 0

"Dutegereje Berkane ko itubwira aho tuzakinira maze Abakinnyi bacu...

Umuyobozi w’ikipe y’ingabo z’igihugu Lt Gen Muganga Mubarakh yavuze ko...
29 November 2021 0

Amakuru avugwa kuri Ballon d’Or iratangwa mu ijoro ryo kuri uyu wa...

Kuri uyu wa mbere tariki ya 29 Ugushyingo 2021,kuri Theatre du Chatelet i...
29 November 2021 0