Umugore wa Thiago Silva ukinira Chelsea ariwe Isabelle da Silva, yasabye impinduka muri iyi kipe bahahiramo, zirimo no kwirukana umutoza wayo Mauricio Pochettino.

Sponsored Ad

Ku cyumweru nyuma ya saa sita, ikipe ya The Blues yatsindiwe iwayo na Wolves ibitego 4-2 bituma iyi kipe ikomeza kujya hasi ku rutonde rwa Premier League.

Imikino itatu ya Premier League yatsinze yikurikiranya no kugera ku mukino wa nyuma w’igikombe cya Carabao Cup byagaragaje ko hari iterambere ryazanwe n’uyu mutoza mukuru wo muri Argentine.

Ariko yo kunyagirwa na Liverpool hanyuma na Wolves ikabikorera kuri Stamford Bridge byatumye abafana bamutakariza icyizere.

Umugore w’umwe mu bakapiteni ba Chelsea,Thiago Silva witwa Silva Belle, wanenze Graham Potter na Timo Werner mu bihe byashize, yahise yerekeza ku mbuga nkoranyambaga asaba ubuyobozi bw’ikipe gukora impinduka.

Yavuze ko ibintu bikwiye guhinduka muri Chelsea byatumye benshi bakeka ko yasabaga ko umutoza yirukanwa.

Avugira kuri X,yahoze yitwa Twitter,uyu mugore yagize ati: "Igihe kirageze ngo hakorwe impinduka.

Nimutegereza cyane,amazi azarenga inkombe 💙💙."

Umutoza Pochettino amaze gutoza imikino 31 muri Chelsea aho yatsinze 14,atsindwa 11 anganya 6.Intsinzi ye ingana na 45.16%.