skol
Kigali

Umukinnyi ukomeye muri Turkia yahitanwe n’impanuka agiye gutegura ubukwe

Imyidagaduro   Yanditswe na: Dusingizimana Remy 11 January 2022

Umukinnyi w’umupira w’amaguru witwa Ahmet Calik wakiniraga ikipe ya Konyaspor mu cyiciro cya mbere muri Turkia yakoze impanuka ubwo yari atwaye imodoka yihuta ngo ajye gutegura ubukwe bwe birangira ahasize ubuzima.


Uyu mukinnyi mpuzamahanga wa Turukiya yapfuye afite imyaka 27 azize impanuka y’imodoka mu muhanda wo mu murwa mukuru wa Ankara mu gitondo cyo kuri uyu wa Kabiri.

Ahmet Calik wakiniye inshuro umunani ikipe y’igihugu ya Turukiya, yari wenyine mu modoka ye ubwo iyi mpanuka yabaga ikamuhitana

Nk’uko Spor Arena ibitangaza, Calik yari ku munsi w’ikiruhuko cy’imyitozo maze yerekeza i Ankara gutegura gahunda z’ubukwe bwe,bwagombaga kuzaba muri Gashyantare.

Iperereza rirakomeje kugira ngo hamenyekane icyateje iyo mpanuka.Calik yakiniraga ikipe yo muri Super Lig,Konyaspor.

Mu butumwa bwo kumubika,Konyaspor yanditse bati: ’Tubabajwe cyane no kubura umukinnyi wacu w’umupira wamaguru Ahmet Calik, watsindiye urukundo rw’abafana bacu n’umujyi wacu kuva umunsi wa mbere aje muri Konyaspor.

’Twihanganishije buri wese, cyane cyane abo mu muryango w’umukinnyi Ahmet Calik.’

Lukas Podolski wahoze ari rutahizamu wa Arsenal, wakinanye na Calik muri Galatasaray, yanditse kuri Twitter ati: ’mbabajwe cyane no kumva aya makuru, ndi mu gahinda. Urupfu ntirukubereye rwose, muvandimwe! Imana ihe ubugingo bwawe kuruhukira mu ijuru. ’

Calik yavukiye mu karere ka Yenimahalle muri Ankara mu 1994 mbere yo gutangira umwuga we akinira ikipe ya Gençlerbirliği.

Uyu myugariro yahise amenyekana ku rwego rw’igihugu ubwo yari ahagarariye Turukiya mu gikombe cy’isi cy’abatarengeje imyaka 20 muri 2013.

Muri 2015, ubwo yari agikinira Gençlerbirliği, yateye imbere yerekeza mu ikipe nkuru ya Turukiya.

Yatoranijwe gukina imikino ya gicuti na Qatar hanyuma Ubugereki, akina umukino mpuzamahanga wa mbere mu mikino banganyije 0-0 n’Ubugereki,

Nubwo yari yahamagawe mu ikipe yagombaga gukina Euro 2016, ntabwo yagaragaye mu irushanwa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Frank Lampard agiye kugaruka mu kazi ko gutoza vuba

Umutoza Frank Lampard w’imyaka 43 agiye kugaruka mu kazi mu minsi mike...
29 January 2022 0

APR FC yatsinze Police FC irangiza igice kibanza cya shampiyona...

Ikipe ya APR FC yakoze ibyari byitezwe na benshi itsinda Police FC ibitego...
28 January 2022 0

Umukunzi wa Cristiano Ronaldo yavuze akantu yamukoreye bagenzi be...

Umukunzi wa Cristiano Ronaldo, Georgina Rodriguez, yatangaje ko uyu...
28 January 2022 0

Avugwa mu mikino: Rayon Sports yasinyishije abandi bakinnyi 2 barimo...

Umurundi Kwizera Pierrot ukina hagati mu kibuga ubu ni umukinnyi w’ikipe ya...
28 January 2022 0

Douglas Luiz wifuzwa cyane na Arsenal ari mu rukundo n’umukobwa nawe ukinira...

Umukinnyi wo hagati wa Aston Villa, Douglas Luiz,abinyujije kuri Instagram...
28 January 2022 0

Abafana ba Gasogi United basabye KNC kwisubiraho akagarura Gasogi United...

Abafana ba Gasogi United basaga 26 bandikiye umuyobozi wayo Kakooza Nkuriza...
28 January 2022 0