skol
Kigali

Umukinnyi wa PSG y’abagore yafunzwe akekwaho guteza mugenzi we bakinana abagizi ba nabi ngo bamuvune amaguru

Imyidagaduro   Yanditswe na: Dusingizimana Remy 10 November 2021

Kuri uyu wa gatatu, ikipe yo mu Bufaransa Paris Saint-Germain yatangaje ko umukinnyi wayo wo hagati Aminata Diallo ari mu maboko ya polisi kubera igitero cyagabwe kuri mugenzi we bikekwa ko yagizemo uruhare.


PSG yagize ati: "Paris Saint-Germain iremeza ko Aminata Diallo yatawe muri yombi muri iki gitondo na polisi yo mu gace ka Versailles mu rwego rw’iperereza ryatangiye nyuma y’igitero cyagabwe ku bakinnyi b’ikipe ku mugoroba wo ku wa kane ushize.

"Paris Saint-Germain yamaganye mu buryo bukomeye iryo hohoterwa ryakozwe.

Kuva ku wa Kane nimugoroba, tariki ya 4 Ugushyingo, Ikipe yafashe ingamba zose zishoboka kugira ngo abakinnyi bayo bagire umutekano n’ubuzima bwiza.”

"Paris Saint-Germain irimo gukorana na Polisi ya Versailles kugira ngo ukuri kuboneke. Iyi kipe yitaye cyane ku miburanishirize yurubanza kandi iziga ku myanzuro yafashwe."

Ikinyamakuru L’Equipe cyo mu Bufaransa cyabanje gutangaza iyi nkuru,kivuga ko Diallo bivugwa ko yahaye akazi abagabo babiri bipfutse mu maso kugira ngo batere mugenzi we Kheira Hamraoui wamutwaye umwanya wo gukina.

Hamraoui wageze muri PSG avuye muri Barcelona muri Nyakanga, bivugwa ko yatezwe igico ku ya 4 Ugushyingo ubwo yari avuye mu birori byateguwe n’iyi kipe ye.

Bivugwa ko yari kumwe na bagenzi be babiri, umwe muri bo akaba yari Diallo, wari utwaye imodoka igihe igitero cyagabwaga.

Abantu benshi bivugwa ko bateye iyo modoka mu murwa mukuru w’Ubufaransa, umwe yinjira imbere.

Bivugwa ko Hamraoui yakubiswe inshuro nyinshi hakoreshejwe icyuma kandi byabaye ngombwa ko yadodeshejwe indodo nyinshi mu maguru no mu biganza kubera ibikomere yagize.

Nk’uko ikinyamakuru New York Times kibitangaza ngo Hamraoui yakuwe mu modoka akubitwa amaguru hakoreshejwe ibyuma.

Ikinyamakuru New York Times kivuga ko Hamraoui yakomeretse cyane ariko nta magufa yavunitse ku maguru.

Ku wa kabiri, Diallo yabanje mu kibuga ubwo PSG yatsindaga Real Madrid ibitego 4-0 muri UEFA Champion League.

Abapolisi bo muri Versailles bavuze ko nta makuru y’inyongera batanga muri iki gihe.

Hamraoui ari gukinira Paris Saint-Germain ku nshuro ya kabiri nyuma y’uko yabaye i Paris hagati ya 2012 na 2016.

Nyuma yaho yakinnye imyaka ibiri muri Lyon no muri FC Barcelone, atwara ibikombe bibiri bya Shampiyona na bibiri bya Champions League ari kumwe n’iyi kipe yo mu Bufaransa nyuma yaho atwara izindi Shampiyona ebyiri na Champions League imwe muri FC Barcelone.

Bombi, Diallo na Hamraoui, basanzwe bahamagarwa mu Ikipe y’Igihugu y’u Bufaransa y’Abagore.


Hamraoui wakubiswe cyane n’abagizi ba nabi

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

MINISPORTS yashyizeho amabwiriza agenga abafana bemerewe kugaruka ku...

Mu ijoro ryakeye nibwo Inama y’Abaminisitiri yoroheje zimwe mu ngamba zo...
27 January 2022 0

Hakimi yiyemeje gushora intambara kuri Messi na Neymar Jr muri...

Myugariro wa PSG, Achraf Hakimi, yahishuye ko ashobora gutangira gutera...
27 January 2022 0

#AFCON2021:Misiri na Equatorial Guinea yabaye amakipe ya nyuma yageze 1/4...

Ku mugoroba wo kuri uyu wa gatatu, Misiri yasezereye inzovu za Corte...
27 January 2022 0

Rayon Sports yasinyishije rutahizamu wari uyoboye abandi muri Uganda...

Rutahizamu Musa Esanu yasinyiye ikipe Rayon Sports FC imyaka 2 avuye mu...
26 January 2022 0

Ifoto ya Cristiano Ronaldo ari kugirira ibihe byiza ku mucanaga w’I Dubai...

Rutahizamu w’ikipe y’igihugu ya Portugal na Manchester United, Cristiano...
26 January 2022 0

Umunyezamu wa Cape Verde yishimiwe cyane kubera ibyo yakoreye Sadio...

Umukinnyi wa Liverpool,Sadio Mane yajyanywe mu bitaro ubwo yakomerekaga...
26 January 2022 0