Umukinnyi wo hagati wa Wolves, Ruben Neves yanenze bikomeye ikipe ya Arsenal kubera ibirori bidasanzwe yakoze nyuma yumukino wabereye Molineux,yabatsinzemo igitego 1-0.
Ikipe ya Gunners yatsinze igitego hakiri kare,gitsinzwe na myugariro Gabriel Magalhaes bituma iyi kipe ya Mikel Arteta igera ku mwanya wa gatanu wa shampiyona.
Imyitwarire ya Arsenal yongeye kuba ikibazo, kuko Gabriel Martinelli yahawe ikarita itukura nyuma yo guhabwa amakarita 2 y’umuhondo mu masegonda make.
Nyuma yo (...)

Sponsored Ad

Umukinnyi wo hagati wa Wolves, Ruben Neves yanenze bikomeye ikipe ya Arsenal kubera ibirori bidasanzwe yakoze nyuma yumukino wabereye Molineux,yabatsinzemo igitego 1-0.

Ikipe ya Gunners yatsinze igitego hakiri kare,gitsinzwe na myugariro Gabriel Magalhaes bituma iyi kipe ya Mikel Arteta igera ku mwanya wa gatanu wa shampiyona.

Imyitwarire ya Arsenal yongeye kuba ikibazo, kuko Gabriel Martinelli yahawe ikarita itukura nyuma yo guhabwa amakarita 2 y’umuhondo mu masegonda make.

Nyuma yo gukina iminota 21 ya nyuma y’umukinoari abakinnyi 10 gusa,Arsenal yihagazeho ntiyishyurwa iki gitego bituma yishimira bidasanzwe kubona amanota atatu.

Neves yavuze ko kwishimira intsinzi kwa Arsenal ari igipimo cyerekana ko Wolves y’umutoza Bruno Lage,iteye ubwoba.

Uyu mukinnyi mpuzamahanga wa Portugal ati: "Twakoze neza ariko tugorwa no gutsinda ibitego ndetse turi gutsindwa byinshi ku mipira y’imiterekano".

Ku gitego cyabo hari ugushidikanya niba habaye ikosa cyangwa ntaryo ariko uyu ni umupira w’amaguru. Tumenyereye ibi byemezo.

"Tugombagukosora byinshi mu gutsinda ibitego kuko tubona amahirwe ariko ntabwo turi beza bihagije mu kuyabyaza umusaruro.

"Nshobora kwemera icyemezo kijyanye n’igitego cyabo ariko mu mikino imwe n’imwe baracyemera mu yindi ntibabikore. Bakeneye gufata ibyemezo bimwe muri buri mukino kuko biratubabaza.

"Twabonye uburyo bishimira intsinzi kandi byerekana urwego turiho. Sinigeze mbona Arsenal yishima kuriya mu myaka 10 ishize - ni nk’aho batwaye shampiyona."

Ikipe ya Arsenal iri mu rugamba rwo gushaka umwanya wa 4 ariyo mpamvu amanota 3 yose ibonye iyishimira bidasanzwe nkuko yaraye ibigenje.