Ikipe ya Paris Saint Germain yigwijeho amazina akomeye y’abakinnyi mu mpeshyi ishize,irahura na Real Madrid uyu munsi mu mukino ubanza wa 1/16 cya UEFA Champions League mu mukino urabera Parc des Princes.
PSG yahabwaga amahirwe na benshi ikimara kugura abarimo Messi mu mpeshyi ishize,yatunguye benshi kubera umukino mubi yakinnye mu mezi nka 6 ashize ariko benshi bizera ko muri iri rushanwa rikomeye ishobora kwisubiraho.
Paris igiye guhura na Real Madrid mu mikino yo gukuranamo mu (...)

Sponsored Ad

Ikipe ya Paris Saint Germain yigwijeho amazina akomeye y’abakinnyi mu mpeshyi ishize,irahura na Real Madrid uyu munsi mu mukino ubanza wa 1/16 cya UEFA Champions League mu mukino urabera Parc des Princes.

PSG yahabwaga amahirwe na benshi ikimara kugura abarimo Messi mu mpeshyi ishize,yatunguye benshi kubera umukino mubi yakinnye mu mezi nka 6 ashize ariko benshi bizera ko muri iri rushanwa rikomeye ishobora kwisubiraho.

Paris igiye guhura na Real Madrid mu mikino yo gukuranamo mu marushanwa y’uburayi ku nshuro ya 4. PSG yayisezereye kabiri Madrid (1992/93 na 1993/94), mu gihe ikipe ya Madrid nayo yakuyemo abanya Paris muri Champions League 2017/18.

Paris Saint-Germain na Real Madrid bamaze guhura inshuro 10 muri iri rushanwa ry’i Burayi haba no mu matsinda.Iyi kipe yo muri Espagne ikaba yaratsinze inshuro nyinshi,4 (W4 D3 L3).

Aba baheruka guhura muri UEFA Champion League muri 2019-20, aho PSG yirinze gutsindwa mu mikino yombi yo mu matsinda (W1 D1).

PSG yasezereye Real Madrid mu mikino yo gukuranamo I Burayi inshuro 2 (1992-93,UEFA Cup muri kimwe cya kane kirangiza na kimwe cya kane kirangiza mu gikombe cya Cup Winners Cup ).

Real Madrid yakuyemo PSG mu mukino uheruka baheruka guhura muri 1/16 muri UEFA Champion League 2017-18 .

Paris Saint-Germain yatsinze ibitego 3-0 Real Madrid mu mukino iheruka kuyakira muri UEFA Champion League (hari muri Nzeri 2019).

Ariko PSG yaratsinzwe mu mukino yabakiriye mu mu mikino yo gukuranamo kuko yatsindiwe ku kibuga cyayo ibitego 2-1,mu mikino wa kabiri wa 1/16 muri iri rushanwa mu mwaka wa 2017-18.

Real Madrid yatsinze imikino itatu yose yakiniye hanze mu mikino yo mu matsinda ya UEFA Champion League y’uyu mwaka, kandi ntiyinjijwe igitego kuri buri mukino (1-0 na Inter Milan, 5-0 na Shakhtar Donetsk na 3-0 na Sheriff Tiraspol) .

Indi nshuro Madrid yari yarabashije gutsinda imikino yose yo hanze 4 muri UEFA Champion League ni muri 2014-15,icyo gihe nabwo batozwaga na Carlo Ancelotti.

Paris Saint-Germain yatsinze umukino umwe gusa mu mikino itandatu iheruka gukinira mu rugo mu mikino yo gukuranamo ya UEFA Champion League, harimo gutsindwa inshuro 4 muri iki cyiciro (D1).

Bananiwe gutsinda imikino yabo yose uko ari itatu mu rugo mu mwaka w’imikino ushize (D1 L2), nubwo bageze muri kimwe cya kabiri k’irangiza.

Kuva umwaka wa 2020-21 watangira, Kylian Mbappé ukinira Paris Saint-Germain yagize uruhare mu kurema ibitego mu mikino ifunguye kurusha undi mukinnyi wese muri iri rushanwa (17).

Karim Benzema wa Real Madrid yatsinze igitego mu 4 yose aheruka gukina muri UEFA Champion League.Yatsinze ibitego bitanu byose hamwe.

Uyu mufaransa ashobora kuba umukinnyi wa gatatu utsinze ibitego bitanu mu mikino 5 yikurikiranya, muri aya marushanwa, nyuma ya Cristiano Ronaldo (inshuro enye, hagati ya 2013 na 2018) na Ruud van Nistelrooy mu 2007.

Abakinnyi bashobora kubanza mu kibuga ku mpande zombi:

Paris SG: Navas; Hakimi, Marquinhos, Kimpembe, Nuno Mendes; Danilo, Paredes, Verratti; Di María, Messi, Mbappé

Abadahari: Ramos (calf), Herrera (thigh)

Ushidikanywaho: Neymar (ankle)

Real Madrid: Courtois; Carvajal, Éder Militão, Alaba, Mendy; Kroos, Casemiro, Modrić; Asensio, Benzema, Vinícius Júnior

Uvunitse: Mariano Díaz (thigh)
Ushidikanywaho: Benzema (muscle)
Abashobora kudakina uwo kwishyura bahawe umuhondo: Casemiro, Mendy