Shampiyona y’u Bwongereza niyo shampiyona umuntu yavuga ko ariyo ikurikiranwa cyane ku mugabane w’Uburayi ndetse no ku isi yose, iyo umukinnyi akina muri iyi shampiyona akaba ari n’umuhanga biramworohera kumenyekana ku ruhando mpuzamahanga. Nka shampiyona ikunzwe n’abantu benshi, abantu baba bibaza abakinnyi bayikinamo imitungo bibitseho n’ukize kurusha abandi.
Twifashishije ubushakashatsi bwakozwe n’urubuga Sokkaa.com, hano tubafitiye urutonde rw’abakinnyi 5 bakize cyane kurusha abandi mu (...)

Sponsored Ad

Shampiyona y’u Bwongereza niyo shampiyona umuntu yavuga ko ariyo ikurikiranwa cyane ku mugabane w’Uburayi ndetse no ku isi yose, iyo umukinnyi akina muri iyi shampiyona akaba ari n’umuhanga biramworohera kumenyekana ku ruhando mpuzamahanga. Nka shampiyona ikunzwe n’abantu benshi, abantu baba bibaza abakinnyi bayikinamo imitungo bibitseho n’ukize kurusha abandi.

Twifashishije ubushakashatsi bwakozwe n’urubuga Sokkaa.com, hano tubafitiye urutonde rw’abakinnyi 5 bakize cyane kurusha abandi mu Bwongereza

5. Sergio Aguero- Manchester City

Uyu munya Argentine ukinira ikipe ya Manchester City yayinjiyemo muri 2011, ubu ahembwa ibihumbi 220 by’amapawundi ku cyumweru(£220,000), akaba afite umutungo mbumbe ufite agaciro ka miliyoni 70 z’amadorari y’Amerika($70,000,000).

4. Yaya Toure- Manchester City


Yata Toure ukinira ikipe ya Manchester City, akaba akomoka muri Cote d’Ivoire, niwe munyafurika rukumbi wagaragaye ku rutonde rw’abakinnyi 5 bakize muri shampiyona y’u Bwongereza, aho afite imitungo ifite agaciro ka miliyoni 75 z’amadorari y’Amerika($75,000,000).

3. Bastian Schwensteiger- Manchester United

Bastian Schwensteiger ni umudage ukunira Machester United, gusa n’ubwo muri iyi minsi atari kubona umwanya ubanzamo mu kibuga ntibumubuza guhembwa amapawundi ibihumbi 200 ku cyumweru, ndetse akaba ari no ku mwanya wa 3 mu bakinnyi bakize hariya mu Bwongereza aho afite umutungo wa miliyoni 82 z’amadorali y’Amerika.($82,000,000).

2. Wayne Rooney- Manchester United


Kapiteni wa Machester United n’ikipe y’igihugu y’u Bwongereza, Wayne Rooney, niwe mukinnyi wa kabiri mu bakize hariya muri shampiyona y’u Bwongereza, aho afite umutungo mbumbe ufite agaciro ka miliyoni 145 z’amadorari y’Amerika($145,000,000).

1.Zlatan Ibrahimovic- Manchester United

Umunya Sweden, Zlatan Ibramovic, nyuma yo guca mu makipe nka PSG, Ajax, Juventus, AC Milan, Barcelona na InterMilan hose agatwaramo ibikombe, muri uyu mwaka w’imikino wa 2016/2017 yinjiye muri Manchester United ndetse ni nawe mukinnyi ukize cyane muri shampiona y’u Bwongereza kurusha abandi, aho afite imitungo ifite agaciro ka miliyoni 160 z’amadorari y’Amerika.

Kuri uru rutonde hakaba hatagaragaraho abakinnyi ba Arsenal, Liverpool, Chelsea. Gusa umukinnyi wa Chelsea uza hafi akaba ari John Terry uri ku mwanya wa 6 na miliyoni 65, mu gihe uwa Arsenal ari Ozil ufite miliyoni 50.