Kapiteni w’Ubudage, Manuel Neuer yavunitse ukuguru ubwo yari arimo gukina imikino yo kunyerera ku rubura mu kiruhuko yari yafashe nyuma yo gusezererwa nabi k’Ubudage mu gikombe cy’isi,byatumye atazongera gukina muri uyu mwaka w’imikino.
Ubwo yari mu kiruhuko cy’inyongera ’yagenewe nyuma yo gusererwa mu gikombe cy’isi ku gihugu cye,Neuer yagiye gukina iyi mikino ya Ski ariko yaje kunyerera nabi ku rubuga ukuguru kwe kuravunika.
Uyu munyezamu w’imyaka 36 yakinnye iminota yose ubwo Ubudage bwari (...)

Sponsored Ad

Kapiteni w’Ubudage, Manuel Neuer yavunitse ukuguru ubwo yari arimo gukina imikino yo kunyerera ku rubura mu kiruhuko yari yafashe nyuma yo gusezererwa nabi k’Ubudage mu gikombe cy’isi,byatumye atazongera gukina muri uyu mwaka w’imikino.

Ubwo yari mu kiruhuko cy’inyongera ’yagenewe nyuma yo gusererwa mu gikombe cy’isi ku gihugu cye,Neuer yagiye gukina iyi mikino ya Ski ariko yaje kunyerera nabi ku rubuga ukuguru kwe kuravunika.

Uyu munyezamu w’imyaka 36 yakinnye iminota yose ubwo Ubudage bwari muri Qatar ariko basezererwa mu matsinda ku nshuro ya kabiri bikurikiranya.

Nyuma yo guhabwa ikiruhuko n’umutoza wa Bayern Munich, Julian Nagelsmann, uyu mukinnyi yagize imvune izamuviramo gusiba imikino isigaye yose muri uyu mwaka w’imikino irimo ibiri bazakina na PSG muri 1/16 cya Champions League.

Mu butumwa yanditse ku mbuga nkoranyambaga, Neuer yagize ati: ’basore,icyo navuga nuko impera z’umwaka zakabaye zagenze neza

’Mu gihe nagerageje kuruhura umutwe ndi gukinaski, nagize imvune y’ukuguru. Kubagwa ejo byagenze neza. Ndashimira cyane abaganga! Ariko, birababaje kumenya ko umwaka w’imikino turimo warangiye kuri njye. Mwiyiteho! Manuel wanyu. ’

Abakinnyi ba Bayern basezerewe mu matsinda bari mu Budage bagombaga gukomeza imyitozo i Sabener Straße kuri iki cyumweru, mbere yuko Nagelsmann yongera ikiruhuko cyabo.

Neuer yahisemo kujya gusiganwa muri Ski ngo aruhure umutwe nyuma yo kuva mu gikombe cy’isi nabi ariko ubu ntazaboneka mu gihe gisigaye ngo umwaka w’imikino urangire.

Uyu mukinyi w’imyaka 36,n’igihombo kinini kuri Bayern, irusha amanota ane gusa ikipe iyikurikiye muri shampiyona nyuma y’igice cya mbere cya shampiyona cyari kibi kuri yo.

Aya n’amakuru mabi kuri uyu muzamu w’inararibonye, ​​ukomeje guhangana n’ihungabana ry’uko Ubudage bwasezerewe hakiri kare mu gikombe cy’isi cya Qatar.

Gutsindwa n’Ubuyapani,kunganya na Espagne hanyuma bagatsinda Costa Rica mu mukino wa nyuma w’itsinda, ntacyo byabamariye bahise bataha.