Umuriro ubangamiye umukino wa Super Cup wahuzaga ikipe ya Rayon Sports na APR FC aho Rayon Sports yari imaze gutsinda ibitego 2-0,byatsinzwe n’umunya Mali Ismaila Diarra na Kwizera Pierrot. Uyu mukino watangiranye ingufu ku mpande zombi nyuma yo gutinda gutangira kubera ikibazo cy’amatara yari yanze kwaka kuri stade Umuganda byatumye ukererwaho iminota 18 ndetse utangira ikipe ya APR FC ihusha uburyo bukomeye kuri Coup Franc yatewe na Muhadjiri Bakame awukuramo. Abakinnyi babanjemo ku (...)

Sponsored Ad

Umuriro ubangamiye umukino wa Super Cup wahuzaga ikipe ya Rayon Sports na APR FC aho Rayon Sports yari imaze gutsinda ibitego 2-0,byatsinzwe n’umunya Mali Ismaila Diarra na Kwizera Pierrot.

Uyu mukino watangiranye ingufu ku mpande zombi nyuma yo gutinda gutangira kubera ikibazo cy’amatara yari yanze kwaka kuri stade Umuganda byatumye ukererwaho iminota 18 ndetse utangira ikipe ya APR FC ihusha uburyo bukomeye kuri Coup Franc yatewe na Muhadjiri Bakame awukuramo.

Abakinnyi babanjemo ku mpande zombi

Ikipe ya Rayon Sports ntabwo yigeze ibona uburyo bukomye mbere kugeza ku munota wa 34 ubwo Ismaila Diarra yatsindaga igitego ku munota wa 34 ku mupira mwiza yahawe na Kwizera Pierrot agasiga ba myugariro ba APR FC barimo Rugwiro Herve na Ombolenga Fitina.Igice cya mbere APR FC niyo yateye amashoti menshi mu izamu abiri mu gihe Rayon Sports yateye rimwe ryavuyemo n’ igitego.

Ku munota wa 37 umukinnyi Imran Nshimiyimana yabonye ikarita y’umutuku nyuma yo gukubita inkokora Manzi Thierry ubwo abakinnyi ba APR FC bari mu rubuga rwa Rayon bagiye gutera Coup Franc.

Ubwo igice cya mbere cyari hafi kurangira bongeyeho iminota 3 maze ku munota wa 2 w’inyongera umuriro urabura ndetse uza gutindaho kuko byabaye ngombwa ko abakinnyi bagenda nyuma baza kugaruka gusoza uyu munota wari usigaye.

Igice cya mbere cyarangiye ikipe ya APR FC ariyo iri imbere mu guhererekanya umupira kuko yagize 51 kuri 49 ya Rayon Sports.

Mu gice cya kabiri ikipe ya APR FC yatangiye ishaka kwishyura ndetse igenda ibona imipira y’imiterekano (Coup Franc na Corners) myinshi gusa Muhadjiri akayitera hanze.

Ku munota wa 61 nibwo ku mupira wari ushyizwe hanze n’abakinnyi ba APR FC warenguwe na Rutanga awuha Djabel nawe arawumusubiza niko kuwohereza mu rubuga rw’amahina usanga Kwizera Pierrot ashyiramo igitego cya kabiri ku mutwe.

Nyuma yo kwinjira kwiki gitego umuriro wahise wongera kugenda ndetse umara iminota myinshi byAtumye umukino usubikwa ndetse abakomiseri bemeza ko mbere y’amasaha 48 aribwo baratangaza ibizakurikiraho.