Umukino w’umunsi wa 9 Kiyovu Sports yakiriye ikipe yo mu burasirazubaya Etoile de l’Est,kuri Kigali Pele Stadium wahagaze kabiri kubera ibura ry’umuriro I Nyamirambo.

Ku munota wa 27 w’uyu mukino umuriro wabuze kuri Kigali Pelé Stadiu ndetse wongera kubura kuwa 34.

Umuriro wagiye inshuro ebyiri mu bice bya Nyamirambo na Nyakabanda, Stade ya Kigali ikisanga mu mwijima.

Ubusanzwe ikipe yakiriye igira Mazutu yo gukoresha kuri Stade kuko ntabwo byemewe gukoresha umuriro rusange ku mukino.

Benshi bibajije niba Kiyovu Sports itaguze Mazutu kuko ariyo yakiriye birabayobera.

Umuriro wagiye ku nshuro ya kabiri Kiyovu SC yatsinze ibitego 3-1 Etoile de l’Est

Etoile niyo yabanje igitego cya mbere ku munota wa 4 gitsinzwe na Rwema Amza "Kibaba", cyishyuwe ku munota wa 17 na Ndayishimiye Celestin witsinze.

Sheriff BAYO ku munota wa 24 na Mugunga Yves kuwa 34 nibo batsinze ibindi bya Kiyovu Sports.

Agashya kabaye nuko Mugunga agitsinda igitego aribwo umuriro wahise ubura.

Igice cya Mbere cyongeweho iminota 15 cyarangiye Kiyovu Sports yatsinze Etoile de l’Est ibitego 3-1.

Ku munota wa 66, Tansele Richard Masengo yashyizemo igitego cya 4 cya Kiyovu,yunganirwa na Richard Kilongozi ku munota wa 71 na Muganga ashyiramo ikindi kuwa 75.Umukino warangiye ari ibitego 6-1 bituma Kiyovu ifata umwanya wa 3 n’amanota 15.

Undi mukino wabaye uyu munsi warangiye Gorilla FC itsinzwe 2-3 na Marines FC.