Ikipe ya Kiyovu Sports yatangaje ko yamaze kugura rutahizamu w’Umurundi, Richard Kirongozi Bazombwa wakiniraga ikipe ya Bumamuru FC yo mu Burundi.
Kirongozi w’imyaka 23 y’amavuko asanzwe akinira Intamba Mu Rugamba z’u Burundi, gusa afite inkomoko muri Repubulika Iharanira Demokarasi ya Congo.
Uyu musore utaha izamu aciye ku ruhande rw’ibumoso, mu mwaka ushize w’imikino yatowe mu kipe y’abakinnyi 11 beza baranze shampiyona y’u Burundi nyuma yo gufasha Bumamuru kwegukana igikombe cya (…)

Ikipe ya Kiyovu Sports yatangaje ko yamaze kugura rutahizamu w’Umurundi, Richard Kirongozi Bazombwa wakiniraga ikipe ya Bumamuru FC yo mu Burundi.

Kirongozi w’imyaka 23 y’amavuko asanzwe akinira Intamba Mu Rugamba z’u Burundi, gusa afite inkomoko muri Repubulika Iharanira Demokarasi ya Congo.

Uyu musore utaha izamu aciye ku ruhande rw’ibumoso, mu mwaka ushize w’imikino yatowe mu kipe y’abakinnyi 11 beza baranze shampiyona y’u Burundi nyuma yo gufasha Bumamuru kwegukana igikombe cya shampiyona.

Kiyovu Sports ibinyujije ku rubuga rwayo rwa Twitter yemeje ko ari umukinnyi wayo mu myaka ibiri iri imbere.

Iyi kipe yo ku Kumenya yagize iti: "Tunejejwe no gutangaza ko twasinyishije Richard Kirongozi Bazombwa wakiniraga Bumamuru FC nka rutahizamu wacu mushya ku masezerano y’imyaka ibiri. Ikaze Richard."

Richard Kirongozi yaguzwe na Kiyovu Sports mu gihe hari hashize igihe kirekire avugwa muri Rayon Sports.

Iyi kipe y’i Nyanza amakuru yavugaga ko yifuza Kirongozi mu rwego rwo gukomeza uruhande rw’ibumoso rw’ubusatirizi bwayo byitezwe ko ruzaba ruriho umunya-Maroc Youssef Rharb.