skol
Kigali

Umusifuzi ukize kurusha abandi bose niwe uzasifura umukino wa nyuma wa Euro 2020

Imyidagaduro   Yanditswe na: Dusingizimana Remy 9 July 2021

Umusifuzi w’Umuholandi w’umukire cyane witwa Bjorn Kuipers niwe uzasifura umukino wa nyuma wa EURO 2020 uzahuza Ubwongereza n’Ubutaliyani ku Cyumweru ku kibuga Wembley.


Amakuru avuga ko Bwana Bjorn Kuipers ariwe musifuzi ukize kurusha abandi bose bazwi gusa ntajya arekera gushaka amafaranga mu mwuga wo gusifura.

Bjorn Kuipers yabarirwaga umutungo wa miliyoni 11.5 muri 2016 ariko ubu yariyongereye cyane ko atahagaritse gukora.

Uyu Bjorn Kuipers afite isoko ryitwa Jumbo rikorana na kizigenza mu mukino wa F1 Max Verstappen.

Uyu musifuzi afite amafaranga menshi amwemerera gusezera kuri uyu mwuga ariko yahisemo gukomeza gusifura imikino ikomeye irimo n’uwo ku cyumweru.

Ku cyumweru,uyu musifuzi azakorana na bene wabo b’Abaholandi barimo Sander van Roekel na Erwin Zeinstra bo ku ruhande, umusifuzi wa kane n’umunya Espagne Carlos Del Cerro Grande mu gihe Umudage Bastian Dankert azaba akoresha video assistant referee (VAR).

Muri iyi Euro 2020, Kuipers amaze gusifura imikino 3 irimo uwa Denmark vs Belgium,Spain vs Slovakia n’uwa ¼ wa Czech Republic vs Denmark.

Indi mikino ikomeye yasifuye irimo umukino wa nyuma wa Europa League 2018 wahuje Atletico Madrid na Marseille, ndetse yanasifuye umukino wa nyuma wa Champions League wa 2014 wa Atletico Madrid na Real Madrid.

Kuipers yavuzwe cyane mu binyamakuru muri Gicurasi uyu mwaka, ubwo yari amaze gusifura umukino wa ½ cya Champions League,wahuje Manchester City vs PSG,yashinjwe gutuka abakinnyi 2 ba PSG barimo Marco Verratti na Leandro Paredes.

Ku cyumweru,Ubwongereza bwatsinze Denmark ibitego 2-1 muri ½ buzahura n’Ubutaliyani bwasezereye Espagne kuri penaliti 4-2.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Hamenyekanye umutoza Cristiano Ronaldo yifuza ko asimbura Solskjaer

Umutoza wa Ole Gunnar Solskjaer akomeje guhura n’igitutu kuri Old Trafford...
20 October 2021 0

"Umunya Brazil Chrismar Soares ntazatangirana Shampiyona na Rayon Sports "-...

Umutoza wa Rayon Sports,Masudi Irambona Juma,yatangaje ko mu bakinnyi afite...
20 October 2021 0

FIFA yahaye igihano gikomeye Rayon Sports kubera kwambura umukinnyi...

FIFA yahaye Rayon Sports igihano cyo kutazagura abakinnyi bashya guhera...
19 October 2021 0

Umutoza Solskjaer yashwanye na rutahizamu we bapfa ibyo yamuvuzeho

Abahagarariye Marcus Rashford ntabwo bishimiye umutoza wa Manchester United...
19 October 2021 0

Rayon Sports yasinyishije abakinnyi 3 b’inararibonye bayinyuzemo

Ikipe ya Rayon Sports yatangaje ko yamaze gusinyisha amasezerano y’umwaka 1...
18 October 2021 0

Bakame yasinyiye Police FC yemeye kumuhemba umushahara utubutse

Umunyezamu w’umunyabigwi mu Rwanda,Ndayishimiye Eric uzwi nka Bakame yasinye...
18 October 2021 0