Umutoza mukuru wa APR FC, Adil Erradi Mohammed, yabonye ibyangombwa bimwemerera gutoza ikipe ye mu mikino ya CAF.
Uyu munya Maroc utaratoje iyi kipe mu myaka 2 ishize kubera imbogamizi z’ibyangombwa,ubu yemerewe gukora akazi mu mikino ya CAF nkuko bisanzwe.
Nk’uko byatangajwe n’iyi kipe binyuze ku mbuga nkoranyambaga, Adil Erradi yabonye License A itangwa n’impuzamashyirahamwe y’umupira w’amaguru muri Afurika, CAF.
Ni mu gihe mu mwaka ushize yari ku rutonde rw’abatoza 29 batari bemerewe gutoza (...)

Sponsored Ad

Umutoza mukuru wa APR FC, Adil Erradi Mohammed, yabonye ibyangombwa bimwemerera gutoza ikipe ye mu mikino ya CAF.

Uyu munya Maroc utaratoje iyi kipe mu myaka 2 ishize kubera imbogamizi z’ibyangombwa,ubu yemerewe gukora akazi mu mikino ya CAF nkuko bisanzwe.

Nk’uko byatangajwe n’iyi kipe binyuze ku mbuga nkoranyambaga, Adil Erradi yabonye License A itangwa n’impuzamashyirahamwe y’umupira w’amaguru muri Afurika, CAF.

Ni mu gihe mu mwaka ushize yari ku rutonde rw’abatoza 29 batari bemerewe gutoza imikino nyafurika ya 2021-2022 nk’abatoza bakuru, bitewe n’uko ibyangombwa byabo bitari ku rwego CAF yifuza.

Biteganywa ko umutoza mukuru mu mikino nyafurika agomba kuba afite License A itangwa na CAF cyangwa License y’ikirenga (License Pro) yatanzwe n’amashyirahamwe y’umupira w’amaguru ku yindi migabane, mu gihe umutoza wungirije nibura agomba kuba afite License B ya CAF.

Adil yiteguye gutanga ibishoboka byose ngo atahukane intsinzi muri iyi mikino dore ko APR FC yagiye igorwa no kutagira umutoza mukuru muri iyo mikino.

Urubuga rwa APR FC ruravuga ko kubona ibyangombwa byo gutoza abakinnyi be ku ruhando rw’amahanga bigiye kongera imbaraga zisumbuyeho ku bakinnyi bitegura iyi mikino nyafurika.

Ikipe ya US Monastir yamanutse mu ndege y’igisirakare cya Tunisia, yageze i Huye kuri uyu wa kane, inahakorera imyitozo ya mbere kuri uyu wa kane kuri Stade Kamena.

APR FC imaze iminsi 2 yitoreza I Huye ndetse irifuza kwiyunga n’abafana uyu mwaka ikarenga amajonjora ikagera mu matsinda.

APR FC irakira US Monastir kuri uyu wa Gatandatu kuri Sitade Mpuzamahanga ya Huye ku isaha yi saa Kenda zuzuye 15h00.