Umutoza Erik ten Hag yahatiye abakinnyi b’ikipe ye ya Manchester United kureba amashusho y’amakipe bahanganye akina neza mu rwego rwo kugira ngo bisubireho bagaruke neza muri shampiyona.
Ten Hag yashyize hamwe amashusho ya Chelsea, abaturanyi be ba Manchester City na Liverpool bazahura ku munsi w’ejo,abereka uko abandi babigenza ngo babigireho.
Kandi umutoza Ten Hag ngo yabwiye abakinnyi be kubwira imiryango yabo ko "bazajya bajya mu kazi kare bagataha bitinze" kugeza bakemuye ibibazo byabo. (...)

Sponsored Ad

Umutoza Erik ten Hag yahatiye abakinnyi b’ikipe ye ya Manchester United kureba amashusho y’amakipe bahanganye akina neza mu rwego rwo kugira ngo bisubireho bagaruke neza muri shampiyona.

Ten Hag yashyize hamwe amashusho ya Chelsea, abaturanyi be ba Manchester City na Liverpool bazahura ku munsi w’ejo,abereka uko abandi babigenza ngo babigireho.

Kandi umutoza Ten Hag ngo yabwiye abakinnyi be kubwira imiryango yabo ko "bazajya bajya mu kazi kare bagataha bitinze" kugeza bakemuye ibibazo byabo.

United yatangiye nabi umwaka w’imikino,kuko ku mukino wa mbere yatsindiwe kuri Old Trafford na Brighton ibitego 2-1.

Abafana ba United n’umutoza Ten Hag barababaye cyane ubwo ku munsi wakurikiyeho ikipe yabo yanyagiwe mu minota 35 y’umukino gusa ibitego 4-0 na Brentford.

Uyu mutoza ngo yahaye ibihano by’imyitozo ikomeye aba bakinnyi ku cyumweru nyuma yo kunyagirwa na Brentford.

Uyu mutoza yifashishije amashusho y’aya makipe akomeye kandi anahabwa amahirwe muri Premier League y’uyu mwaka kugira ngo abereke itandukaniro rira hagati yayo nabo.

Uyu mutoza kandi ngo yabwiye abakinnyi bafite amazina akomeye mu ikipe ko nta muntu n’umwe ufite umwanya uhoraho mu kibuga buri wese agomba guhatana

Abarimo Cristiano Ronaldo, Bruno Fernandes na Harry Maguire ngo bari ku isonga mu bo yageneye ubu butumwa.

Umutoza Ten Hag arashaka kuzana umupira wihuta kandi usatira muri United ariko umukino wa Brentford wamweretse icyuho gikomeye ikipe ifite ndetse n’akazi kenshi kamutegereje.