Mikel Arteta utoza ikipe ya Arsenal yemeje ko umukinnyi Bukayo Saka agomba kugaruka mu kibuga muri iki cyumweru ubwo bazaba bakina na Atalanta.

Sponsored Ad

Ibi yabitangaje nyuma y’uko Bukayo Saka yasohotse mu kibuga ubwo ikipe ya Arsenal yakinaga na Tottenham tariki 15 Nzeri 2024 mu mukino w’umunsi wa kane wa shampiyona y’Ubwongereza.

Ni umukino ikipe ya Arsenal yatsinze igitego 1-0, ku munota wa 64 gitsinzwe na Gabriel ku mupira wari uvuye muri koruneri itewe na Bukayo Saka.

Ku munota wa 86 Bukayo yasohotse mu kibuga bigaragara ko atamerewe neza asimburwa na Ethan Nwaneri .

Ikipe ya Arsenal izagaruka mu kibuga tariki 19 Nzeri 2024 isura Atalanta yo mu Butaliyani muri UEFA Champions League.
Nyuma y’umunsi wa kane wa shampiyona ikipe ya Arsenal iri ku mwanya wa kabiri n’amanota 10 inyuma ya Man City iri ku mwanya wa mbere n’amanota 12.