Ubuyobozi bw’ikipe ya Sunrise FC bwamaze gutangaza ko batanduknaye na Muhire Hassan wari umutoza wayo. Ayisize ku mwanya wa nyuma n’amanota atandatu mu mikino irindwi yayitoje.

Inama ya komite ya Sunrise yarangiye kuri uyu wa 23 Ukwakira,yafashe umwanzuro wo kwirukana umutoza Hassan Muhire.

Hassan wagizwe umutoza wa Sunrise ku ya 23 Kamena 2023,mu mikino 7 ayitoje ,yatsinze 2, atsindwa 5.Yinjije ibitego 3 yinjizwa 9,ayisize ku mwanya wa nyuma wa shampiyona.

Mu minsi ishize nibwo byavuzwe ko Muhire Hassan yatezwe umukino wa Rayon Sports, byarangiye imutsinze ibitego 3-0 kuwa Gatandatu w’icyumweru gishize.

Imikino Muhire Hassan yakinnye

Police FC 2-0 Sunrise FC
Sunrise 1-0 Etoile
Musanze FC 2-1 Sunrise FC
Sunrise FC 1-0 Bugesera FC
Mukura 1-0 Sunrise
Sunrise 0-1 Etincelles FC
Rayon Sports 3-0 Sunrise FC