Umukinnyi Joackiam Ojera wa Rayon Sports ari ku rutonde rw’agateganyo rw’abakinnyi bahamagawe na Uganda kugira ngo bitegure amajonjora yo gushaka itike yo kwerekeza mu gikombe cy’isi cya 2026.

Nyuma y’igihe kinini yitwara neza muri Rayon Sports ntahamagarwe n’umutoza Milutin Sredojevic,umutoza mushya wa Uganda Paul Put yahamagaye Joackiam Ojera ukundwa cyane n’abakunzi ba Rayon Sports kubera umuvuduko we.

Ikipe ya Uganda iri kwitegura imikino ibiri iri imbere aho izahura na Guinea na Somalia.

Nubwo yahamagawe,Ojera afite akazi gakomeye ko kuguma mu ikipe ikina, kuko urutonde ruriho abakinnyi 36 bagomba kugabanuka bakaba 23.

Ikindi kandi yahamagawe muri ba rutahizamu biganjemo abafite amazina akomeye biramusaba gukora cyane ngo umutoza amugirire icyizere.