skol
Kigali

Umutoza Solskjaer yashwanye na rutahizamu we bapfa ibyo yamuvuzeho

Imyidagaduro   Yanditswe na: Dusingizimana Remy 19 October 2021

Abahagarariye Marcus Rashford ntabwo bishimiye umutoza wa Manchester United Ole Gunnar Solskjaer uherutse kuvuga ko uyu mukinnyi akwiriye ’gushyira imbere umupira w’amaguru kurusha ibindi arimo’.


Uyu rutahizamu yagaragaye bwa mbere muri shampiyona y’uyu mwaka, ku wa gatandatu batsindwa na Leicester City ibitego 4-2, yinjiye mu gice cya kabiri nyuma yo gushyirwa ku ruhande kuva mu mpeshyi nyuma yo kubagwa urutugu.

Rashford yahuje umwuga we w’umupira w’amaguru n’ubwitange bwo gufasha abakene ndetse anasaba leta gushyiraho gahunda yo gutanga amafunguro ku ishuri ku buntu.

Mu ntangiriro z’uku kwezi kandi,Rashford yabonye impamyabumenyi y’ikirenga y’icyubahiro yakuye muri kaminuza ya Manchester mu birori byabereye Old Trafford,yiyongeraho na MBE yahawe ubushize n’Ubwami bw’Ubwongereza.

Ubwo biteguraga umukino wa Leicester, Solskjaer yavuze ko Rashford akeneye ’gushyira imbere umupira we no kwibanda ku mupira w’amaguru’.Igitekerezo cy’uyu mutoza kikaba cyaragarutsweho cyane aho bamwe berekanye ko umutoza wa United yashakaga ko rutahizamu we yagabanya ubuzima bwe bwo hanze.

Ikinyamakuru Athletic kiravuga ko amakuru cyahawe n’uwegereye Rashford,ari uko yarakajwe n’igitekerezo cyatanzwe na Solskjaer ndetse ko uyu musore w’imyaka 23 yiyemeje rwose umwuga we w’umupira w’amaguru.

Rashford yagiye ahura n’ikibazo cyo kunengwan’abantu ba bamwe barimo n’umudepite umwe w’umuconservateur wamubwiiye ati ’izirike ku mupira w’amaguru’ kandi benshi batewe ubwoba nibyo Solskjaer yatangaje bisa n’iby’uyu mugabo.

United yavuze ko amagambo y’umutoza wabo w’umunya Norway yasobanuwe nabi.

Umutoza Solskjaer,amerewe nabi cyane n’abafana ba United batishimiye umutoza wabo uri gutsindwa ubutitsa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rihanna yagizwe intwari ya Barbados cyiyomoye ku mwamikazi Elizabeth wa...

Umuhanzikazi Robyn Fenty Rihanna, yagizwe intwari y’igihugu cye cya Barbados...
30 November 2021 0

Lionel Messi yegukanye Ballon d’Or ya 7 ahigitse Lewandowski

Umunya Argentine w’umunyabigwi mu mupira w’amaguru,Lionel Messi,ukinira...
29 November 2021 0

Umutoza mushya wa Manchester United yavuze amagambo akomeye ku bakinnyi...

Ikipe ya Manchester United yatangaje ku mugaragaro Ralf Rangnick nk’umutoza...
29 November 2021 0

Sergio Ramos yahaye igisubizo gitangaje uwamubajije niba yifuriza Messi...

Sergio Ramos ashobora kuba yarakaje bamwe mu bafana ba Real Madrid nyuma yo...
29 November 2021 0

"Dutegereje Berkane ko itubwira aho tuzakinira maze Abakinnyi bacu...

Umuyobozi w’ikipe y’ingabo z’igihugu Lt Gen Muganga Mubarakh yavuze ko...
29 November 2021 0

Amakuru avugwa kuri Ballon d’Or iratangwa mu ijoro ryo kuri uyu wa...

Kuri uyu wa mbere tariki ya 29 Ugushyingo 2021,kuri Theatre du Chatelet i...
29 November 2021 0