Umutoza wa Manchester United,Ole Gunnar Solskjaer yahaye abakinnyi be ubutumwa bukomeye mbere yo guhura na Liverpool kuri iki cyumweru,tariki ya 24 Ukwakira.

Sponsored Ad

United igomba kwakira aba bakeba bahangana cyane kuri Old Trafford, mu mukino ufatwa nk’uwa mbere ukomeye muri Premier League.

Amashitani atukura yerekeje muri uyu mukino nyuma yo gutsinda ibitego 3-2 Atalanta muri Champions League bigoranye.

Ariko, mbere y’uwo mukino,United yari yatsinze imikino ibiri gusa mu mikino irindwi yaherukaga gukina,irimo umwe mu mikino ine ya Premier League.

Solskjaer yasabye abakinnyi be kwirengagiza ibitaragenze neza mu mikino yashize,kugira ngo batsinde uyu mukino w’ishyiraniro.

Avuga mbere y’uyu mukino wa Liverpool, uyu munya Noruveje yemeye ko ikipe ye itameze neza bihagije, ariko ashimangira ko ari igihe cyiza cyo gusubira mu nzira yo gutsinda.

Solskjaer yagize ati: "Twatakaje amanota vuba aha tutishimiye. Tugomba kuyakura aha kandi rwose, tugomba kubikora."

Nta gihe cyo gutakaza kuko nubwo ari umwaka w’imikino muremure, amakipe duhanganye nayo ntabwo azaduha amahirwe menshi yo kuyifata".

Kugeza ubu United iri ku mwanya wa gatandatu ku rutonde rwa Premier League n’amanota 14 kandi gutsinda Liverpool bishobora gutuma yongera kwinjira mu makipe ane ya mbere.