Umutoza wa Chelsea Thomas Tuchel yavuze ko atishimiye ibyo Romelu Lukaku yavugiye mu kiganiro n’umunyamakuru aho uyu mrutahizamu yavuze ko atishimiye uko akoreshwa n’umutoza we w’Umudage.
Mu kiganiro yakoze mu byumweru byashize ariko kikajya mu binyamakuru ku wa kane, Lukaku yavuze ko atishimye netse yumva yakwisubirira muri Inter Milan bidatinze.
Uyu mukinnyi waguzwe miliyoni 97.5 z’amapawundi mu mpeshyi yavuze ko atishimiye uburyo ibintu byifashe muri Chelsea gusa umutoza Tuchel nawe yemeje (...)

Sponsored Ad

Umutoza wa Chelsea Thomas Tuchel yavuze ko atishimiye ibyo Romelu Lukaku yavugiye mu kiganiro n’umunyamakuru aho uyu mrutahizamu yavuze ko atishimiye uko akoreshwa n’umutoza we w’Umudage.

Mu kiganiro yakoze mu byumweru byashize ariko kikajya mu binyamakuru ku wa kane, Lukaku yavuze ko atishimye netse yumva yakwisubirira muri Inter Milan bidatinze.

Uyu mukinnyi waguzwe miliyoni 97.5 z’amapawundi mu mpeshyi yavuze ko atishimiye uburyo ibintu byifashe muri Chelsea gusa umutoza Tuchel nawe yemeje ko atishimiye ayo magambo ndetse ko uyu mukinnyi ashaka guteza akavuyo mu ikipe

Tuchel ati: "Ntabwo mbikunda kuko bizana urusaku tudakeneye kandi ntabwo bifasha.

"Dukeneye ituze no kuguma guhanga amaso ibiri imbere.Ariko ku rundi ruhande ntidushaka kubyongera kurenza uko biri.

Tuchel abajijwe niba yaganiriye na Lukaku, Tuchel yongeyeho ati: "Ntabwo ari byo rwose, ntabwo numva ko atishimye. Ndumva bihabanye.

"Iyo umbaza ejo mu gitondo nari kuvuga ko numva bihabanye, niyo mpamvu bitunguranye, ariko ndi umuntu mubi kubaza."

Muri icyo kiganiro na Sky Sport Italia yo mu Butaliyani, Lukaku yavuze ko atishimiye uko ibintu bimeze, yongeraho ati: "Ariko ndi umukozi, rero sinshobora gucika intege".

Uyu mubirigi w’imyaka 28 yasubiye muri Chelsea,mu kwezi kwa munani, aguzwe amafaranga atari bwigere agurwa uwundi mukinyi muri iyi kipe.

Amaze gutsinda ibitego birindwi mu mikino 18 amaze gukina kuva asubiye muri iyi kipe, ariko kandi akaba yaragiye ahura n’ibibazo by’imvune n’indwara.

Nyuma y’ikiganiro yagiranye na Tuchel ku bijyanye n’umwanya we, Lukaku amaze gutsinda ibitego bibiri mu mikino ibiri aheruka muri Premier League kuva icyo gihe.

Uyu mutoza wa Chelsea yagize ati: "Tuzavugana na Lukaku kandi tuzbikora mu ibanga kandi nta guhishanya ntekereza ko umubano umeze uko wahoze".