Umutoza Thomas Tuchel yibajije bikomeye ku murava w’abakinnyi ba Chelsea atoza,nyuma yo gutsindwa na Arsenal ibitego 4-0 mu mukino wa gicuti wo gutegura umwaka w’imikino wabaye kuri uyu wa gatandatu.
Gabriel Jesus, Martin Odegaard, Bukayo Saka na Albert Sambi Lokonga batsinze ibitego byose bya Gunners.
Umutoza wa Chelsea, Tuchel, yavuze ko ikipe ye itaritegura bihagije umukino wo gufungura shampiyona uzabahuza na Everton ku ya 6 Kanama.
Tuchel ati: "Ndi kure cyane yo kuruhuka.Ntabwo twari (...)

Sponsored Ad

Umutoza Thomas Tuchel yibajije bikomeye ku murava w’abakinnyi ba Chelsea atoza,nyuma yo gutsindwa na Arsenal ibitego 4-0 mu mukino wa gicuti wo gutegura umwaka w’imikino wabaye kuri uyu wa gatandatu.

Gabriel Jesus, Martin Odegaard, Bukayo Saka na Albert Sambi Lokonga batsinze ibitego byose bya Gunners.

Umutoza wa Chelsea, Tuchel, yavuze ko ikipe ye itaritegura bihagije umukino wo gufungura shampiyona uzabahuza na Everton ku ya 6 Kanama.

Tuchel ati: "Ndi kure cyane yo kuruhuka.Ntabwo twari tumeze neza bihagije. Ntabwo twarushanwaga."

Ikipe ya Gunners yayoboye uyu mukino imbere y’abafana 63.811 kuri Orlando’s Camping World Stadium.

Jesus winjiye muri Arsenal avuye muri Manchester City aguzwe miliyoni 45 z’ama pound ku ya 4 Nyakanga, yatsindiye igitego cya mbere Arsenal nyuma y’iminota 15 y’umukino, kandi ibindi bitego bitatu byashimangiye intsinzi.

Nyuma y’umukino, Tuchel yavuze ko ikipe ye yari "ikwiye gutsindwa".

Yongeyeho ati: "Igiteye impungenge ni uko urwego rwo guhatana yaba ku mubiri no mu bwenge kuri uyu mukino rwari rwinshi kuri Arsenal kuturusha.

Bakoresheje ngira ngo ikipe yabo ngira ngo ikomeye n’uburyo bwabo bw’imikinire bumaze ibyumweru byinshi.Iyi niyo kipe bazakoresha mu gutangira imikino ya Premier League.

"Mu byukuri ntabwo iyi ariyo kipe yacu ikomeye. Iki ni igice cy’ibisobanuro ariko ikindi gice giteye impungenge.

"Sinshobora kwemeza ko tuzaba twiteguye mu byumweru bibiri."

Uyu wari umukino wa gatatu ukaba n’uwa nyuma wa Chelsea mu ruzinduko rwayo muri Amerika. Mbere bari batsinze ikipe ya Club America yo muri Mexico ibitego 2-1 kandi batsinzwe kuri penariti na Charlotte FC yo muri Major League Soccer.