Kuri uyu wa Gatatu,tariki ya 07 Nzeri 2022, nibwo byemejwe ko Tuchel yatandukanye na Chelsea ndetse ubu akazi ko gushaka umutoza mushya katangiye.
UmutozaThomas Tuchel yirukanywe na Chelsea yari amazemo imyaka hafi 2, nyuma yo gutsindwa na Dinamo Zagreb ku mukino ufungura iy’amatsinda ya UEFA Champions League.
Biravugwa ko Chelsea yasabye Brighton & Hove Albion kuba bayireka ikavugana n’umutoza wayo ‘’Graham Potter ‘uri kugaragaza urwego ruhanitse mu mitoreze.
Umwongereza Graham (…)

Kuri uyu wa Gatatu,tariki ya 07 Nzeri 2022, nibwo byemejwe ko Tuchel yatandukanye na Chelsea ndetse ubu akazi ko gushaka umutoza mushya katangiye.

UmutozaThomas Tuchel yirukanywe na Chelsea yari amazemo imyaka hafi 2, nyuma yo gutsindwa na Dinamo Zagreb ku mukino ufungura iy’amatsinda ya UEFA Champions League.

Biravugwa ko Chelsea yasabye Brighton & Hove Albion kuba bayireka ikavugana n’umutoza wayo ‘’Graham Potter ‘uri kugaragaza urwego ruhanitse mu mitoreze.

Umwongereza Graham Potter w’imyaka 47 amaze kugira Brighton ikipe itinyitse ndetse kugira ngo yerekeze mu yindi kipe bisaba ko iyi arimo yishyurwa miliyoni 16 z’amapawundi.

Ikinyamakuru Metro cyatangaje ko Graham Potter ariwe uyoboye abandi batoza bifuzwa na Chelsea kugira ngo basimbure Thomas Tuchel kuri Stamford Bridge.

Potter yatangiye gutoza Brighton kuva muri 2019, ubu iyi kipe iri ku mwanya wa 4 muri Premier League aho irushwa amanota 2 gusa na Arsenal ya mbere.

Graham Potter watangiye shampiyona atsinda ibitego 2-1 Manchester United,afite amanota 14 mu mikino 6 ya shampiyona imaze gukinwa.

Todd Boehly arashaka ko Chelsea ikina umupira wo gusatira ndetse uryoshye kandi Brighton iri mu makipe 3 ya mbere mu Bwongereza akina muri ubwo buryo.

Mauricio Pochettino nawe ari ku isoko nyuma yo kwirukanwa ku kazi muri Paris Saint-Germain mu mpera za shampiyona ishize.

Zinedine Zidane nawe nta kazi afite mu gihe Luis Enrique utoza Espagne nawe ngo yatekerezwaho.

Graham Potter arahabwa amahirwe menshi yo gutoza Chelsea