skol
Kigali

Umutoza wa Arsenal nyuma yo gutsinda Chelsea yasabye imbabazi Eddie Nketiah wamuhesheje ishema

Imyidagaduro   Yanditswe na: Rebecca UFITAMAHORO 21 April 2022

Umutoza wa Arsenal Mikel Arteta avuga ko "atabaniye" rutahizamu Eddie Nketiah, nyuma yuko afashije ikipe ye gutungura Chelsea ikayitsinda ibitego 4-2 mu mukino shampiyona w’umunsi wa 32 .


Eddie Nketiah ukomoka mu Bwongereza, amasezerano ye azatangira ku mpeshyi y’uyu mwaka, yatsinze ibitego bibiri - ku munota wa 13 n’uwa 57 - ku kibuga Stamford Bridge cya Chelsea, mu mukino wa kabiri gusa wo muri Premier League yari abanje mu kibuga muri uyu mwaka w’imikino.

Ibindi bitego bya Arsenal byinjijwe na Emile Smith Rowe ku munota wa 27, na Bukayo Saka ku munota wa 92 kuri penaliti. Ni mu gihe ibitego bibiri bya Chelsea byatsinzwe na Timo Werner ku munota wa 17 na César Azpilicueta ku munota wa 32.

Mu kiganiro mu ntangiriro y’iki cyumweru, Nketiah yavuze ko abihiwe no kubura akanya ko gukina ndetse anibaza kuri ejo hazaza he muri iyi kipe.

Umutoza Arteta yabwiye BBC Sport ati: “Nagakwiye kuba naramukinishije kenshi”.

“Namubwiye ko ntamubaniye”.

Arsenal imaze igihe iri mu biganiro na Nketiah kuri kontaro, ariko uyu rutahizamu yumvikanishije ko ashaka kwizezwa niba azajya ahora ashyirwa mu ikipe ya mbere, mbere yuko ashyira umukono kuri kontaro nshya.

Yabwiye ikiganiro The Beautiful Game ati: “Hashize igihe hari ibiganiro no kunyizeza kontaro nshya ariko muri iki gihe intego yanjye y’ingenzi ni ugukina umupira w’amaguru kandi ngakina mu buryo buhoraho”.

“Icyo ni cyo ngambiriye kandi ni cyo nizeye gukora ariko nanone ndi muri Arsenal, nkunda Arsenal”.

Uyu mukinnyi wahoze ari rutahizamu w’Ubwongereza mu ikipe y’abafite munsi y’imyaka 21, kugeza ubu muri uyu mwaka w’imikino yabanje mu kibuga mu mikino irindwi, umukino wo ku wa gatandatu bakinnye kwa Southampton ukaba ari wo wa mbere yari akinnye muri Premier League.

Ku rwego, yari inyuma ya Pierre-Emerick Aubameyang na Alexandre Lacazette, ariko kujya muri Barcelona kwa Aubameyang mu kwezi kwa mbere ndetse no kuba Lacazette adahari kubera Covid, byamuhaye akanya ko gukina.

Ibitego bibiri yatsinze Chelsea yabitsinze hashize umwaka umwe n’iminsi ibiri ku gihe yaherukaga gutsindira muri Premier League, ubuheruka akaba yaratsinze igitego ubwo banganyaga na Fulham igitego 1-1.

Arteta yongeyeho ati: “Ibyo Eddie yakoze iri joro [ku wa gatatu] ni ukubera ibyo yakoze mu mezi 10 ashize kandi nta muntu n’umwe wabibonye”.

“Dufite n’ibindi bibazo kandi ntibyatworoheye. Ariko rwose yarakwiye ibyamubayeho nijoro”.

Inkuru ya BBC

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rutahizamu Joao Felix aravugwaho gutwarwa umukunzi na mugenzi...

Rutahizamu wa Atletico Madrid,Joao Felix aravugwaho kuba ari mu gahinda...
19 May 2022 0

AS Kigali ishaka kwisubiza igikombe cy’Amahoro yageze ku mukino wa...

AS Kigali ifite igikombe giheruka cy’Amahoro yatwaye muri 2019 itsinze...
18 May 2022 0

"...ubu imikino tuzayakira"-Minisitiri w’Intebe avuga ku gukinira imikino...

Minisitiri w’Intebe, Dr Ngirente Edouard,yagiranye ikiganiro n’abanyamakuru...
18 May 2022 0

Masudi Djuma yarwanye n’umukinnyi we bose bahabwa ibihano bikarishye

Umutoza Masudi Irambona Djuma ufite izina rikomeye mu mupira w’amaguru muri...
18 May 2022 0

Reba ubwiza bwa Hoteli Real Madrid izacumbikamo mu Bufaransa igihe gukina...

Ikipe ya Real Madrid ntizacumbika i Paris ku mukino wa nyuma wa UEFA...
18 May 2022 0

"Mushimishe abanyarwanda nkuko ingabo zacu zibikora" - Lt Gen Mubarakh...

Ku gicamunsi cyo kuri uyu wa kabiri tariki 17 Gicurasi 2022, umuyobozi wa...
18 May 2022 1